Tennis de table : Abakinyi bazoja mu murwi nserukiragihugu bamenyekanye

Yanditswe na Pacifique BUKURU
Kuya 26 décembre 2017 saa 04:41
6555
0 0

Ishirahamwe ry’urukino rwa Tennis ikinirwa ku meza (FTTB), ryateguye ihiganwa ryo ku rwego rw’igihugu kuva kw’igenekerezo rya 22 gushika kurya 24 Kigarama 2017, mu ntara ya Cankuzo. Abakinyi basumbije abandi bakaba baciye bashirwa mu murwi nserukiragihugu.

Ku ruhande rw ‘abagabo, Niyorugira Yvan na Trésor Nzeyimana bakinira umurwi wa Amigo, Kabura Alain Claude na Ndayishimiye Delphin bakinira umugwi wa Turbo nibo bazokinira umurwi nserukiragihugu w’abakuze.

Ku ruhande rw’abigeme, Ingabire Ange Belyse akinira umugwi wa Amigo, Munezero Marie Claire, Ndayishimiye Pamela, na Niyibizi Floride bose bakinira umugwi wa Turbo, nibo baronse amahigwe yo kuzokinira umugwi nserukiragihugu.

Ku ruhande rw’abakiri bato (Junior), mu bagabo, Nizigama Simplice akinira umugwi wa Champion, Nitunga Armand wa Muzinga, Ndabashinze Rodrigue, Barekebivugire Ralph bakina muri Turbo nibo bazoserukira igihugu, nayo ku ruhande rw’abigeme, Irakoze Daniella akinira intara ya Ruyigi, Kubwimana Martine w’I Muramvya, Nduwimana Pienette akinira Champion hamwe na Hezagirwa Aimée Eunice w’i Mwaro nibo bazoseruka ku ruhande rw’abigeme.

Umugwi wa Turbo ukaboneka ko ariwo ufisemwo abakinyi benshi aho ufisemwo abakinyi 7.

Icivugo c’iryo higanwa cari « Dukorere hamwe mu guteza imbere urukino rwa tennis de table mu Burundi mu guharanira amahoro, umutekano na demokarasi. »


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha