Ligue des Champions : Ibitsindo 28 vyinjijwe ku munsi wa mbere w’ihiganwa

Yanditswe na MUGISHA Van Naris
Kuya 13 septembre 2017 saa 08:00
Yasomwe : 3375
0 0

Ku munsi wa mbere w’ihiganwa rihuza imirwi yabaye iya mbere mu bihugu vyayo ku mugabane wa Buraya, ibitsindo 28 nivyo vyinjiye mu nkino umunani zakinywe mu mirwi ine ya mbere.

Urukino rwinjiyemwo ibitsindo vyinshi ni urahuje umurwi wa Chelsea wo mu gihugu c’Ubwongereza watsinze umurwi FK Qarabag wo mu gihugu ca Azerbaïdjan ibitsindo bitandatu k’ ubusa.

Urundi rukino rwinjiyemwo ibitsindo vyinshi ni urukino rwahuje umurwi Paris Saint Germain wo mu gihugu c’Ubufaransa n’umurwi Celtic Glasgow wo mu gihugu c’Ubwongereza aho umurwi Paris Saint Germain watsinze ibitsindo 5 ku busa.

Urundi rukino rwari rurindiranywe igishika n’urwahuje umurwi FC Barcelone wo muri Espagne n’umurwi Juventus de Turin wo mu gihugu c’Ubutariyano aho umurwi FC Barcelone watsinze Juventus de Turin ibitsindo bitatu ku busa, harimwo bibiri vy’umukinyi Lionel Messi.
Izindi nkino zaheze uku :

Olympiakos 2- Sporting 3,Benfica 1-CSKA Moscou 2,Bayern 3-Anderlecht 0,
Roma 0 -Atlético Madrid 0,Manchester United 3-Basel 0.

Mwomenya ko inkino zabaye kuri uno wa kabiri igenekerezo rya 12 Nyakanga 2017 ari izo mu mirwi ine ya mbere A,B,C na D, izo mu mirwi ine ya nyuma E,F,G,H zakaba kuri uno wa gatatu igenekerezo rya 13 Nyakanga 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha