Ligue des Champions : Real Madrid na Bayern Munich yatsinze inkino za mbere za 1/4 gishira ica nyuma

Yanditswe na MUGISHA Van Naris
Kuya 4 avril 2018 saa 08:37
Yasomwe :
0 0

Umurwi Real Madrid wo mu gihugu ca Espagne na Bayern Munich wo mu gihugu c’Ubudagi, niyo yatahukanye intsinzi, mu nkino zo gutangura z’igice ca kane gishira ica nyuma, mw’ihiganwa rihuza imirwi yabaye iya mbere mu bihugu vyayo,ku mugabane wa Buraya. Umurwi Real Madrid watsinze ibitsindo bitatu ku busa bwa Juventus de Turin wo mu Butariyano, umurwi Bayern Munich utsinda Seville wo muri Espagne ibitsindo bibiri kuri kimwe.

Mu rukino rwa mbere rwabaye, rwahuje Real Madrid na Juventus de Turin, kuva ku munota wa mbere, Real Madrid yagumye yerekana ko irusha ubuhinga Juventus de Turin, mbere ku munota wa 3 w’urukino, umukinyi Christiano Ronaldo yinjiza igitsindo ca mbere.

Igice ca mbere caheze ari igitsindo kimwe ca Real Madrid ku busa bwa Juventus de Turin, ariko mu gice ca kabiri, Christiano Ronaldo yinjiza ikindi gitsindo ciza ku munota wa 64, yinjije akoresheje ubuhinga, mbere gishirwa muvya mbere bishobora kuranga iryo higanwa.

Naho abakinyi ba Juventus bagumye barondera kugombora ivyo bitsindo ntivyaboroheye ,kuko ku munota wa 66 umusatirizi wa Juventus de Turin Paulo Dybala yahawe ikarata itukura, aca ava mu kibuga.

Ibintu vyagiye kwunyuka ku munota wa 72, aho umukinyi w’inyuma Marcelo wa Real Madrid yinjiza igitsindo ca gatatu, urukino ruca ruhera ku ntsinzi ya Real Madrid y’ibitsindo bitatu ku busa.

Mu rundi rukino, umurwi Bayern Munich watsinze Seville naho nyene ku munota wa 31, umukinyi Pablo Sarabia wa Seville yari amaze gutsinda igitsindo ca mbere ca Seville.

Mu gice ca mbere nyene, umurwi Bayern Munich waranganije na Seville, ku gitsindo umukinyi Jesus Navas wa Seville yiyinjije mw’igori, igice ca mbere gica gihera imirwi yose inganya igitsindo kimwe ku kindi.

Mu gice ca kabiri, umukinyi Thiago Alcantala yinjije igitsindo ca kabiri ca Bayern Munich, urukino ruca ruhera, ku ntsinzi ya Bayern Munich, y’ibitsindo bibiri ku kimwe ca Seville.

Kur’uyu wa gatatu hakinwa izindi nkino zibiri, umurwi wa FC Barcelone, uza gukina na AS Roma wo mu Butariyano, mu gihe urundi ruza guhuza imirwi ibiri yo mu gihugu c’Ubwongereza Manchester City na Liverpool.


Kumenyekanisha

1
king feredence 5-04-2018 à 07:31

imigambwe yose isabwe kwiyandikisha mutekano ntihazogire umugambwe uvuga ngo barawurengaNije

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha