Ligue des Champions: Seydou Doumbia yinjiye muri kahise yinjiza igitsindo ca mbere c’ihiganwa

Yanditswe na MUGISHA Van Naris
Kuya 14 Nyakanga 2017 saa 11:00
Yasomwe : 4014
0 0

Umukinyi w’umunyafrika ava mu gihugu ca Cote d’Ivoire Seydou Doumbia yinjiye muri kahise k’umupira w’amaguru mu kuba uwa mbere yinjije igitsindo mw’ihiganwa rihuza imirwi yabaye iya mbere mu bihugu vyayo ku mugabane wa Buraya.

Seydou Doumbia yinjije igitsindo mw’ihiganwa ry’umwaka wa 2017 ushira uwa 2018, mu rukino rwahuza Olympiakos wo mu Bugiriki na Sporting Portugal yo mu gihugu ca Portugal, aho umurwi Sporting Portugal akinira watsinda umurwi Olympiakos ibitsindo 3 kuri 2.

Uwundi mukinyi w’umunyafrika ari k’urutonde rw’abinjije igitsindo ca mbere mw’ihiganwa rihuza imirwi yabaye iya mbere mu bihugu ku mugabane wa Buraya ni Daniel Amokachi yatsindiye umurwi FC Bruges wo mu Bubirigi mu mwaka wa 1992 ushira uwa 1993 igihe bakina na CSKA Moscou.

Umukinyi Seydou Doumbia yinjije ico gitsindo ku munota wa kabiri w’urukino, ku mwanya umwe n’umukinyi Edison Cavani nawe yinjije igitsindo ca mbere mw’ihiganwa ry’umwaka wa 2016 ushira uwa 2017.

Umunsi wa mbere w’ihiganwa warangiye kuri uno wa gatatu igenekerezo rya 13 Nyakanga 2017,mu nkino 8 zabaye hinjiye ibitsindo 26 mu gihe mu nkino 8 zabaye kuwa kabiri hinjiye ibitsindo 28.

Abandi binjije ibitsindo vya mbere ni aba, kuva mu mwaka w’1992 ushira uwa 1993.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha