Primus Ligue : Ku munsi wa nyuma w’ihiganwa Messager Ngozi iri mu kibanza ca mbere vy’infatakibanza

Yanditswe na MUGISHA Van Naris
Kuya 22 décembre 2017 saa 02:51
9990
0 0

Ihiganwa ry’umupira w ‘amaguru mu cicaro ca mbere ugeze ku munsi wa 15 ari nawo wa nyuma w’igice c’inkino zo gutangura. Imbere y’inkino zitegekanijwe kur’uyu wa gatanu,igenekerezo rya 22 Ligarama 2017, Messager Ngozi uracari mu kibanza ca mbere ku rutonde nfatakibanza.

Urukino rwa mbere rwuguruye umunsi wa 15 w’ihiganwa rwahuje umurwi wa Athletico Olympic n’umurwi Inter Star. Urukino rwarangiye umurwi Athletico utsinze umurwi Inter Star ibitsindo bitatu ku busa.

Inyuma y’urwo rukino, umurwi Athletico wahora mu kibanza ca 15 waciye uduga ibibanza bine vyose, ushika mu kibanza ca 11 ku rutonde nfatakibanza mw’ihiganwa ry’icicaro ca mbere Primus Ligue Burundi.

Mu nkino zitegekanijwe kur’uno wa gatanu zo ku munsi wa 15, ni uruhuza umurwi Delta Star n’umurwi Aigle Noir, urundi rukino ruza guhuza umurwi Flambeau de l’Est wo mu Ruyigi n’umurwi Messager Ngozi.

Ku rutonde nfatakibanza,umurwi Messager Ngozi uri mu kibanza ca mbere n’amanota 36, mu gihe mu kibanza ca kabiri hari umurwi wa LLBS4 Afrika n’amanota 35, ugakurikirwa n’umurwi Aigle Noir ufise amanota 31.

Imirwi iri mu bibanza bitatu vya nyuma kur’urwo rutonde ni Delta Star iza mu kibanz ca nyuma n’amanota 5,jeune Athletic mu kibanza ca 15 n’amanota 12, ukaba ukurikira umurwi Messager Bujumbura uza mu kibaza ca 14 n’amanota 12 nyene.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha