Umurwi Islamic State wagabishije Cristiano Ronaldo na Lionel Messi ko bashobora kwicirwa mu Burusiya

Yanditswe na MUGISHA Van Naris
Kuya 18 mai 2018 saa 10:42
20310
0 0

Abagize umurwi w’iterabwoba wiyitirira Reta yakisiramu Islamic State bashize ahabona amashusho aburira abakinyi Cristiano Ronaldo na Lionel Messi hamwe n’abazokwitaba inkino z’igikombe c’isi kizobera mu Burusiya, ko bashobora kuzokwitabirayo Imana.

Mu mashusho uwo muhari wacishije ku rubuga rwa Telegram, yerekana Cristiano Ronaldo na Lionel Messi baryamitswe hasi, mu kibiga, abantu babiri bifutse mu maso babafashe imitwe nk’uko boba bagiye kubaca imitwe.

Abasobanura ururimi rw’icarabu bavuga ko handitse kuri ayo mashusho ko amaraso y’abo azokwuzura ikibuga. Ati : “Ikibuga kizokwuzura amaraso yanyu.”

Kw’ishusho ya kabiri, umuhari wa Reta ya Ki isiramu, werekana ikibuga cuzuye abaje kuraba urukino, mu gihe urkino ruba rugomba rutangure, harimwo umuntu afise gerenade mu ntoke, iyo nayo yanditseko ngo : “Igikombe c’Isi ca 2018 mu Burusiya, intsinzi izoba iyacu.”

Si ubwa umurwi w’iterabwoba Islamic State berekana ko bafise imigambi yo kwica abantu mu gikombe c’isi, kuko baheruka no gusohora iyinsi shusho ya Lionel Messi apfunzwe bandikako ngo : “Murarwanya igihugu kitagira gutsindwa mu majambo yaco.”

Mu gutera ubwoba abazokwitaba ihiganwa ry’igikombe c’isi mu mupira w’amaguru, mu mwaka uheze wa 2017, basohoye amashusho yerekana ibiziga biryamitse hafi y’ikibuga, baca bandikako ngo : “Ndarahiye umuriro wa Mujahideen uzobaturira […] murindire gato.”

Igikombe c’Isi kizotangura kw’igenekerezo rya 14 Ruheshi kirangire kw’igenekerezo rya 15 Mukakaro 2018. Imirwi 32 iserukira ibihugu niyo izokwitaba iryo higanwa.


Kumenyekanisha

1
Salomon 17-06-2018 à 23:13

Kuri C.Ronaldo Na Lionnel Messi Baratobapfa Ahubwonibobazokwitswa.

2
THIERRY TUYISENGE 18-05-2018 à 22:47

TWOBABARA CANE AHUBWO BADUKUNDA BOVYIHOZA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha