SMART : Ku mafaranga amajana 900 (Fbu) uronka ama inite y’18000 (Fbu)

Ishirahamwe ryo gutumatumanako amakuru "Smart" rifise uruhara nta ngere mw’iterambere ry’ibihugu vyo mu karere rikoreramwo. Iryo shirahamwe rikaba rifise imigambi yo gukwiza umuhora(reseaux) wa Smart mu duce dukeyi twari dusigaye.

Mu kiganiro abarongoye Smart bagiranye n’abamenyeshamakuru, bamenyesha ko ishirahamwe SMART Let’s Talk rifise umuhora wa "Smart"ryaje mu Burundi kuva mu mwaka w’i 2007, intumbero yari kwagura uburyo bwo gutumatumanako amakuru no guterera mw’iterambere ry’igihugu muri rusangi. Muri iyo ntumbero nyene,yo guterera mw’itera mbere no kurwanya ubushomeri, ibisata bitari bike vyarashizweho na Smart, aha tuvuga nk’ama banki ( Banque), ryarashizeho amazu ashumbusha abahuye n’ivyago(Assurances), mu mashuri ( abanyeshuri biga muri kaminuza b’abarundi n’abo mu karere Smart ikoreremwo barahabwa uruhusha rwo kunonosora ivyigwa).

Umuhora wa "Smart"urafasha cane abanyagihugu mu guhanahana amakuru kubera ibiciro bitavuna. Ivyo babivuga bafatiye ku burusho bushika n’ibice ijana kw’ijana vy’abakoresha uwo muhora bahabwa mu gihe bashizemwo ikarata ya "Smart". Si ivyo gusa, kuva muri Myandagaro umwaka w’i 2014, ishirahamwe "Smart"ryarumvise akamo k’abanywanyi basaba ishirwaho ry’umuhora wa "Internet", ari naho hashirwaho "Internet"ingana ivyo bita "3G"ari nayo yaciye iba iya mbere mu Burundi.

Naho biri uko, hari intara zimwe zimwe uwo muhora udashikamwo, kuri ico kibazo, uwo muyobozi yishurako ata mezi abiri asigaye kugira igihugu cose kironka uwo muhora. Umwaka w’i 2015 uzotangura umunyagihugu wese aho azoba ari azoshikirwa na Smart. Umuhora wa Smart rero ukaba witeguriye guterera mu matora yo mu mwaka w’2015 mu Burundi kugira aze agende neza, nk’uko bivugwa n’umukuru w’uyo muhora mu karere k’Afrika y’Ubuseruko.

Mwomenya ko umuhora wa "Smart" ugiye kwagura imihora aho ugiye gukorera mu bindi bihugu vyo mu karere ka Afrika y’Ubuseruko bizokwiyongera ku Burundi, Uganda na Tanzaniya. Muri ivyo bihugu isanzwe ikoreramwo, ikarata simu ikoreshwa hose.

Bhupendra Bhandari arongoye Smart mu Burundi ari kumwe n’uwuyirongoye muri EAC