Prix Nobel : Umwanditsi Kazuo Ishiguro yahawe agashimwe ku gitabo ’’Les vestiges du jour’’

Yanditswe na MUGISHA Van Naris
Kuya 5 Gitugutu 2017 saa 03:07
Yasomwe : 2223
0 0

Igisata kiraba ivy’indimi mu gihugu ca Suwede cahaye umwanditsi w’ibitabo w’umwongereza afise amamuko mu gihugu c’Ubuyapani Kazuo Ishiguro agashimwe kitiriwe Nobel mu bijanye n’akaranga mu mwaka wa 2017.

Ico gitabo catumye uwo mugabo w’imyaka 62 y’amavuko ahabwa ako gashimwe kitiriwe Nobel citwa "The remains of the day" ("Les vestiges du jour"), cagiye ahabona mu mwaka w’1989 ibicanditswemwo bica bikinwa mw’ireresi inyuma y’imyaka ine.

Kazuo Ishiguro yahawe agashimwe ka Nobel n’amafaranga imiriyoni 9 z’amafaranga akoreshwa mu gihugu ca Suwede, akaba angana n’ibihumbi 940 vy’amafaranga y’abanyaburaya.

JPEG - 2.8 Mo
Umwanditsi Kazuo Ishiguro

Umwanditsi Kazuo Ishiguro abaye uwugira 29 ava mu gihugu kivuga ururimi rw’icongereza aronse ako gashimwe kitiriwe Nobel mu kwandika, mu gihe gushika ubu abanditsi bava mu bihugu bivuga igifaransa bamaze kuronka ako gashimwe ari 14 gusa.

Kazuo Ishiguro akurikiye umunyamerika w’umuririmvyi akaba n’umwanditsi w’ivyese Bob Dylan yahawe ako gashimwe mu mwaka wa 2016.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha