Advertisement
Kumenyekanisha
  IGIHE.bi \BB Imico kama \BB Umuco \BB Impuzu y’igiti
Yambaye impuzu y’igiti yumva akamoto ka basogokuru
Yanditswe taliki ya 25-02-2014 - isaha 10:42'

Bamwe mu rwaruka rw’ubu bariko baragarukira akaranga k’Uburundi biciye mu mirwi y’abaririmvyi ndangakaranga. Hari n’urundi rwaruka rwihaye kugarukira akaranga biciye mu murisho w’ingoma. Uwu nawe yahisemwo kugarukira akaranga mu gukora impuzu y’igiti yasa n’iyazimanganye mu Burundi, ivyo akora arabicisha no mu ndiririmbo ziwe, kuko asanzwe ari n’umuririmvyi.

Annick Kabatesi yahisemwo akazina k’Ubuhizi « Murundikazi » kugira ntihagire uwuhava yibaza ko atari umurundikazi. Akiri mu mashuri mato mato, yasomye mu gitabo c’umunyeshure bakoresha bita DUSOME ku rupapuro rwa 35, aho handitse uko kera bakora impuzu y’igiti n’uko yambarwa. Annick avuga ko vyamugumye mu mutima gushika aho yiyumvira nawe gusubira ku karanga kaba Sogokuru ko gukora impuzu y’igiti.

Mu gukora impuzu y’igiti, Annick akoresha ibiti vyamye bikorwamwo impuzu z’ibiti kuva kera, navyo ni : imimanda, umuvumuvumu n’umuhororo. Agirako asaba ko ivyo biti vyokingirwa kuko bishikana kure Uburundi ku bijanye n’akaranga. Kubera ubumenyi ashiramwo haravamwo impuzu nziza cane. Annick ati :"Nzoteza imbere akaranga k’igihugu canje imyaka yose nzobaho, impuzu y’igiti ndayikunda cane." Avuga ko iruhande y’ubwiza impuzu y’igiti ifise, ayumvamwo akamoto ka basokuru.

Annick twamusanze aho yari yagiye guterera agacumu k’ubumwe mu giteramo co kugarukira ku bahuye n’impanuka y’imvura, igiteramo cariko kibera kuri Musée Vivant. Kuri uwo munsi yagiye ku ruhimbi rw’abaririmvyi "Podium" ajanye ururirimbo « twarashaza », ruvuga ibijanye n’inyambaro ya kera. Avuga ko urwo ruririmbo rwaje gushigikira akaranga k’impuzu y’igiti, kuko yasanze ivyo akora abicishije mu ndirimbo vyofasha benshi.

Uwo mwigeme amenyesha ko amaze kwitaba amahiganwa atari make yo mu bihugu bigize akarere ka Afrika y’ubuseruko, ajana n’abandi bigeme n’abahungu bambaye impuzu z’ibiti guhiganwa. Muri ayo mahiganwa, Annick amenyesha ko kenshi atwara ikibanza ca mbere mu bijanye n’akaranga.

Ivyiyumviro vyanyu

Nnne Atarihayanishwa,zokwambagwa Bisanzwe ?

20.09.2016 à 18:39
NYAMBIKIYE Jairos

Nnne Atarihayanishwa,zokwambagwa Bisanzwe ?

20.09.2016 à 18:37
NYAMBIKIYE Jairos

courage sha.Urazi kwiiyumvira pe. ;urigisha nabandi kuko nivyiza cane kwerekana akaranga kigihugu cakwibarutse.

31.12.2015 à 14:04
NIYONIZEYE

Murabheleye chane bose na ntumira iyo impuzu 255767396688 Tz, East Africa

31.05.2015 à 09:59
Somangiza

akazi kawe ndagashimye ariko ndikure ndi tanzania dar es_salam ndagusavye undondele kuri nom 257753216055 ukiwa burnd tz 0753216055

26.02.2015 à 03:36
ngendakumana merchior

Annick uri mwiza kweli.ese iyutanga numéro yawe tukakubaza ibindi bibazo.

4.06.2014 à 11:01
Mupenzi

Annik wariko ugira vyiza kandi ukebura abarundi n’abrundikazi benshi ariko manura hepfo,kandi nohejuru siko bazambara.iciyumviro nikijane ningiro wigishe bene wanyu uko bambara.ndakigushimiyeko ico ciyumviro kandi egera abo hambere bagufate mumugongo mubikorwa nomumpanuro.murakoze !

1er.03.2014 à 10:10
HABONAYO

ndabona ufise courage vraiment !urazi nokwironderera akazi kokubeshaho usumba abakobwa benshi muriyi ville ya Buja birirwa biruka inyuma yabahungu abandi bakora ubumaraya gusa kndi vyari bikwiye ko abagore nabakobwa natwe twishakira akazi kadutunga.kndi tubishatse twobishobora.

26.02.2014 à 17:10
nene

Ni vyiza,ariko aba kera barambara bakikwiza ntiberekana amaguru(amatako nk’uko).naho mbona afise amaguru meza si vyizako twese twoyaraba !

25.02.2014 à 12:52
Kabizi

yambaye neza kweli

25.02.2014 à 12:35
amahoro

vyari vyiza ariko irya nyambaro yo hejuru naho ari impuzu y’igiti ntaho bihuriye n’akaranga k’Uburundi.yikubite agashi rero ntahave asanga ariko, aratitura akaranga kacu aho kugateza imbere.

25.02.2014 à 12:08
Rukundo

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.