Econet Leo na RTNB batanguje uburyo bwo gukurikirana ibiganiro bwiswe AKIWACU

Yanditswe na MUGISHA Van Naris
Kuya 30 avril 2018 saa 04:16
10680
0 0

Ishirahamwe ryo gutumatumanako ECONET LEO riri kumwe n’insamirizi n’imboneshakure vy’igihugu RTNB batanguje ubuhinga bushasha bise AKIWACU, buzofasha abanywanyi ba ECONET LEO gukurikirana amakuru n’ibiganiro vy’insamirizi n’imboneshakure vy’igihugu bakoresheje terefone ngendanwa zabo. Hari mu nyubakwa z’ihoteri Malta Hotel, kur’uno wa mbere igenekerezo rya 30 Ndamukiza 2018.

Mw’ijambo ryiwe, umuyobozi mukuru w’ishirahamwe Econet Leo Nepias NJALAVAZA yamenyesheje ko ari umunsi udasanzwe kw’ishirhamwe Econet Leo na RTNB, kuko ari gishasha kije kitahahora haba kuri ayo mashirahamwe abiri mbere no ku barundi bose.

Umuyobozi mukuru wa Econet Leo yavuze ko bakoresheje AKIWACU , abanywanyi ba Econet Leo bazoronka akaryo ko gukurikirana ibiganiro ku murongo wa mbere n’uwa kabiri w’insamirizi y’Uburundi badataye umwanya, kandi bizogira akamaro ku buzima bw’abanyagihugu.

JPEG - 50 ko
Nepias NJALAVAZA, Umuyobozi mukuru wa Econet Leo

Nepias NJALAVAZA yasiguye akarusho ubuhinga bushasha AKIWACU bugiye kuzana, avuga ati : « Uwukoresha AKIWACU azoshobora gukurikirana ibiganiro vya RTNB aho ari hose, mu mwanya uwariwo wose, adatakaje umwanya. »

Uwo arongoye ishirahamwe ryo gutumatumanako Econet Leo ahamagarira abanywanyi babo gukurikirana no gukoresha ubwo buhinga bushasha.

Ku ruhande rwiwe, umuyobozi mukuru w’insamirizi n’imboneshakure vy’igihugu, amenyesha ko umunsi batangurijeko AKIWACU ari umunsi udasanzwe ku barundi, kandi utigeze ubaho, kandi ujana n’ibihe bushasha.

Nk’umuyobozi mukuru wa Econet Leo, umuyobozi w’insamirizi n’imboneshakure vy’igihugu, Salvator NIZIGIYIMANA, yavuze ko ari akarusho kanini, kuko AKIWACU izofasha abarundi gukurikirana amakuru y’Uburundi nayo kw’isi yose.

Yaboneyeho akaryo ko gushimira Econet Leo yemeye ko basangira umugambi wo gukorera hamwe mu gufasha abanywanyi gukurikirana ibiganiro n’amakuru aho bari hose, umwanya wose bakoresheje terefone ngendanwa.

Salvator NIZIGIYIMANA aramutswa ubuyobozi bw’insamirizi n’imboneshakure vy’igihugu, yavuze ko ikiri intango, aca ahamagarira n’abanywanyi b’iyindi mihora ikoreshwa mu Burundi, gukurikirana AKIWACU.

JPEG - 46.4 ko
Salvator NZIGIYIMANA, Umuyobozi w’insamirizi n’imboneshakure vy’igihugu

« Ni intango n’ibindi biracaza. Ndabasaba gukoresha aka kaganuke kugire mumenye amakuru yo mu Burundi nayo kw’isi. Mpamagarira abanyanyi b’iyindi mihora gukurikiranira hafi AKIWACU . »

Umunyamabanga ntayegayezwa mu bushikiranganji bwo gutumatumanako n’ibinyamakuru, SIGEJEJE Frederic Francois yaserukiye umushikiranganji muri ivyo birori, yavuze ko ari ugukorana neza hagati ya Econet Leo na RTNB bigiye ahabona.

Yavuze ko ata terambere rishoboka ata gutumatumanako kubaye, aca ashimira Econet Leo na RTNB bakoreye hamwe kugira abantu bashobore gukurikirana amakuru n’ibiganiro, naho boba bari kure.

SIGEJEJE Frederic Francois yemeje ko Reta ataco itazokora kugira ibandanye ishigikira utwigoro nk’utwo.


Kumenyekanisha

1
Barenga 2-05-2018 à 09:07

Iyo umurundi yanditse ikirundi yategerezwa kucandika neza.Raba izo tariki ingene zanditse.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha