Umushikiranganji w’ikigega ca Reta amenyesha ko amafaranga y’agaciro azoboneka

Yanditswe na BIKORIMANA Vianney
Kuya 3 février 2018 saa 11:22
11055
0 0

Ubushikiranganji bw’ikigega ca Reta bumenyesha ko ata migambi ihambaye itegurwa kugira amafaranga y’agaciro aboneke, ariko aboneka iyo abantu bari ku bikorwa bifasha ayo mafaranga kuboneka.

Igihe yariko ashikiriza ivyaranguwe n’ubushikiranganji mu mwaka wa 2017, umushikiranganji w’ikigega ca Reta Domitien NDIHOKUBWAYO yamenyesheje ko naho amafaranga y’agaciro vyashitse agakena, bizoshoboka kugira ayo mafaranga aboneke kuko ibiri mu gihugu vyose bishobora kuvyara amafaranga y’agaciro.

Domitien NDIHOKUBWAYO yavuze ati :“Ikidashoboka n’igiki ? Ubu umwimbu w’agatasi urashimishije ku buryo aha ikigo gitoza amakori n’amatagisi coca kitubwira amafaranga y’agaciro yakoreshwa mu kwinjiza ivyo vyimburwa.”

Uwo mushikiranganji w’ikigega ca Reta amenyesha ko igiterwa c’ikawa cahora kija kugurishwa hanze mu kinyegero vyatuma igihugu kihahombera amafaranga y’agaciro,ubu catorewe umuti bigiye gufasha mw’iboneka ry’ayo mafaranga.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha