Ebola yageze mu gihugu ca Mali

Ikiza Ebola kibandanya gukwiragira mu bihugu vyo muri Afrika y’Uburengero. Muri Mali umwana w’imyaka ibiri akaba yitavye Imana ahitanywe n’ico kiza Ebola.

Uwo mwana w’umukobwa w’imyaka ibiri yabonetsweko iyo ndwara ya Ebola ubwa mbere muri Mali, yari yaturutse muri Guinée. Uwo mwana yashikiye mu karere ka Kayes kari mu Burengero kure y’umurwa mukuru Bamako. Cumi muri abo bariko barakurikiranirwa hafi ni abaforoma n’abandi bakozi bo kwa muganga.

Ishirahamwe OMS rijejwe amagara y’abantu kw’isi ryamaze kurungika abahinga bo gufasha kurwanya ikiza ca Ebola muri Mali. Abamenyeshamakuru bavuga ko ikibazo c’itandukira rya Ebola muri Mali, igihugu kigize gatandatu mu Burengero bwa Afrika gitewe n’ico kiza, ari nko kunanirwa ku mugambi wa OMS wo gukumira ico kiza.