Ebola : OMS yatangaje inkuru mbi

Yanditswe na Nadège Irakoze
Kuya 15 octobre 2014 saa 03:46
Yasomwe : 8361
0 0

Ikiza ca Ebola gishobora kwandukira abandi bantu ibihumbi bitanu gushika ku bihumbi cumi ku ndwi muri Afrika y’Uburengero. Igitigiri c’abapfa banduye uwo mugera, gishobora gushika ku bice 70 kw’ijana mu bihugu bitatu bisinzikajwe cane n’ico kiza ari vyo Liberia, Sierra Leone na Guinée, nk’uko ishirahamwe mpuzamakungu ry’amagara y’abantu OMS ribishikiriza.
Ivyo biharuro birateye ubwoba .
Ishirahamwe OMS rivuga ko umugera wa Ebola ushobora kwandukira abandi bantu bashika 5000 kugera ku 10 000 ku (...)

Ikiza ca Ebola gishobora kwandukira abandi bantu ibihumbi bitanu gushika ku bihumbi cumi ku ndwi muri Afrika y’Uburengero. Igitigiri c’abapfa banduye uwo mugera, gishobora gushika ku bice 70 kw’ijana mu bihugu bitatu bisinzikajwe cane n’ico kiza ari vyo Liberia, Sierra Leone na Guinée, nk’uko ishirahamwe mpuzamakungu ry’amagara y’abantu OMS ribishikiriza.

Ivyo biharuro birateye ubwoba .

Ishirahamwe OMS rivuga ko umugera wa Ebola ushobora kwandukira abandi bantu bashika 5000 kugera ku 10 000 ku ndwi muri Afrika y’uburengero mu ntango z’ukwezi kwa Kigarama kandi ubu baharura abashika igihumbi ku ndwi.

Icegeranyo gishasha cerekana ko ikiza ca Ebola kimaze kwica abantu 4447 kuri 8914 barwaye. Ico kiza kiguma gikwiragira muri Afrika y’Uburengero. Ibindi biharuro biteye ubwoba n’igitigiri c’abapfa barwaye Ebola gishobora gushika ku bice 70 kw’ijana muri Liberia, Sierra Leone na Guinée, nk’uko umuganga Bruce Aylward, icegera c’umuyobozi mukuru wa OMS abimenysha.

Ariko rero naho ivyo biharuro bibandanya kuduga, ishirahamwe mpuzamakungu OMS rishobora gutangaza ku munsi wa gatanu ko ikiza ca Ebola caheze muri Sénégal, no ku munsi wa mbere muri Nigeria, nihataboneka uwundi muntu ayirwara muri ivyo bihugu.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha