Bimenyimana Bonfils Caleb wa Vitalo FC agiye gukina mw’ihiganwa ry’Urwanda

Amakuru ava mu gihugu c’Urwanda amenyesha ko, umwe mu bayobozi ba Rayon Sports RUDASINGWA J.Marie Vianney yavuze ko umukinyi Bimenyimana Bonfils Caleb ashobora kurara kuri uwu wa gatatu ashize umukono ku masezerano yo gukinira Rayon Sports.

Yavuze ko bamaze kuvugana n’umukinyi Bimenyimana Bonfils Caleb ariko ko hasigaye ko bimenyeshwa ku mugaragaro ko abaye umukinyi wa Rayon Sports, ahejeje gushira umukono ku masezerano.

Bimenyimana Bonfils Caleb,agiye gukinira Rayon Sports

Bimenyimana Bonfils Caleb yari yarondewe n’umurwi wa Rayon Sports mu mwaka wa 2016, ariko ntivyakunze ko awukinira kuko yaciye akinira umurwi Vitalo FC.

Bimenyimana Bonfils Caleb yari asanzwe akina mu murwi nserukiragihugu w’Uburundi w’abakinyi bakina mw’ihiganwa ry’Uburundi.