CAF :Ihiganwa rya CAN rishobora gukinwa n’imirwi 24

Yanditswe na MUGISHA Van Naris
Kuya 20 Mukakaro 2017 saa 07:47
Yasomwe : 2952
0 0

Kuva ku munsi wa kane igenekerezo rya 20 Munyonyo 2017,niho bizomenyekana nimba ihiganwa rihuza imirwi nserukirabihugu ku mugabane wa Afrika CAN rizhora ritunganywa mu gihe c’ici kandi rikitabwa n’ibihugu 24, mu gihe vyahora vyitaba ari 16.

Inyuma yo guhanahana ivyiyumviro, abitavye inama iriko ibera mu gihugu ca Maroc ku murwa mukuru Rabbat, bavuze ko ingingo yo gushira ihiganwa rya CAN hagati y’ukwezi kwa 6(Ruheshi) n’ukwa 7(Mukakaro) bizotuma abakinyi bava ku mugane wa Afrika bakina mu mahiganwa y’i Buraya boroherwa.

Naho gutunganya ihiganwa rya CAN vyofata iyindi ntumbero, abagize umurwi w’abahinga mw’ishirahamwe ry’umupira w’amaguru ku mugabane wa Afrika CAF basavye ko imbere y’uko igihugu gihabwa uburenganzira bwo kwakira ihiganwa, vyokwigwa neza.

Igitigiri kinini c’abakurikiranira hafi urukino rw’umupira w’amaguru muri Afrika bitavye iyo nama,bavuga ko utunenge ku bibuga tutabuze, na cane cane ku bijanye n’imisezero iri ku bibuga.

Abagize umurwi w’abahinga b’ishirahamwe CAF basavye ko ihiganwa rya CAN ryotunganywa neza,ku buryo inkino zo kurondera uburenganzira bwo gukina igikombe c’isi n’ica CAN zikinwa mu mwanya umwe, kugira ntibitware umwanya munini.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha