CECAFA U17 : Imirwi izokina urukino rwa nyuma yamenyekanye

Yanditswe na MUGISHA Van Naris
Kuya 26 avril 2018 saa 08:54
10725
0 0

Imirwi nserukiragihugu y’umupira w’amaguru y’igihugu ca Tanzaniya na Somariya yabatarenza imyaka 17, niyo yaraye ironse itike ryo gukina urukino rwa nyuma mw’ihiganwa rya CECAFA ry’abatarenza imyaka 17, ririko ribera mu Burundi.

Umurwi w’igihugu ca Tanzaniya watisnze igihugu ca Kenya ibitindo 2 kuri 1 ku kibuga Umuco co mu ntara ya Muyinga nayo igihugu ca Somariya gitsinda igihugu c’Ubuganda igitsindo 1 ku busa bw’Ubuganda ku kibuga Ingoma co mu ntara ya Gitega.

Bitegekanijwe ko urukino rwa nyuma ruzohuza igihugu ca Tanzaniya na Somariya ruzoba ku w’Imana igenekerezo rya 29 Ndamukiza 2018 naho urukino rwo kurondera ikibanza ca gatatu rukazoba ku musi wa gatandatu igenekerezo rya 28 Ndamukiza uyu mwaka wa 2018.

Umurwi nserukiragihugu w’Uburundi, wavuye mw’ihiganwa mu gice ca mbere c’inkino, ufise amanota 4, kuko watsinzwe urukino rumwe, unganya rumwe, utsinda kandi urukino rumwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha