CECAFA U17 : Imirwi ya Uganda na Kenya ihiganirwa ikibanza ca gatatu

Yanditswe na Vianney BIKORIMANA
Kuya 28 Ndamukiza 2018 saa 11:14
9735
0 0

Imirwi nserukiragihugu y’umupira w’amaguru yo mu gihugu ca Uganda na Kenya y’abatarenza imyaka 17 niyo iza guhiganirwa ikibanza ca gatatu kuri uwu wa gatandatu igenekerezo rya 28 Ndamukiza muri za nkino za CECAFA z’abatarenza imyaka 17, ziriko zibera mu Burundi.

Urwo rukino rwo kurondera uwutahukana ikibanza ca 3 ruza kubera ku kibuga c’i Buye mu ntara ya Ngozi.

Umurwi w’igihugu ca Kenya watsinzwe n’igihugu ca Tanzaniya ibsitindo 2 kuri 1 ku kibuga "Umuco" co mu ntara ya Muyinga mu gice ca kabiri gishira ica nyuma, nayo igihugu c’Ubuganda gitsindwa n’igihugu ca Somariya igitsindo 1 ku busa bw’Ubuganda ku kibuga Ingoma co mu ntara ya Gitega.

Umurwi nserukiragihugu w’Uburundi, wavuye mw’ihiganwa mu gice ca mbere c’inkino, ufise amanota 4, kuko watsinzwe urukino rumwe, unganya rumwe, utsinda kandi urukino rumwe.

Bitegekanijwe ko urukino rwa nyuma (Final) ruzohuza igihugu ca Tanzaniya na Somariya ruzoba ejo ku munsi w’Imana igenekerezo rya 29 Ndamukiza 2018. Umukuru w’igihugu ca Somariya Mohamed Abdullahi Farmajo akazoba yishikiye kuraba urwo rukino.


Kumenyekanisha

1
fabrice 29-04-2018 à 02:06

kurukino rwejo amahirwe nayatanzania

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha