CECAFA : Uburundi butahanye amanota atatu ya mbere butsinze Etiyopiya

Yanditswe na Pacifique BUKURU
Kuya 7 décembre 2017 saa 04:35
Yasomwe : 18945
1 0

Mu rukino rugira kabiri rwo mw’ihiganwa rya CECAFA ririko ribera mu gihugu ca Kenya, Uburundi bwatsinze igihugu ca Ethiopiya ibitsindo 4 kuri 1 ca Ethiopiya.

Igitsindo ca mbere cabonetse ku munota wa 30 mu gice ca mbere, cinjijwe na Pierrot Kwizera,igice ca mbere kikaba caciye kirangira ku gitsindo kimwe ku kindi, inyuma y’igitsindo cinjijwe n’umukinyi wa Etiyopiya.

Mu ntango y’igice ca kabiri, ku munota wa 55, Cédric Kagabo akina hagati aca yinjiza igitsindo ca kabiri, inyuma y’iminota itarenga cumi n’ine gusa, umusatirizi rurangiranwa Laudit Mavugo aba arinjije igitsindo kigira gatatu ku munota wa 69.

Urukino rusigaje iminota 11 ngo rurangire, niho Shassir Nahimana yahohosha umugwi wa Ethiopiya awutsinda igitsindo canyuma, gutyo urukino rurangira Uburundi bwirahiye Etiyopiya ibitsindo 4 vyose kuri 1.

Uburundi buca bukwiza amanota 4 kuri 6 mu nkino zibiri bamaze gukina


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha