Incamake

CECAFA : Uburundi bwaronse uburenganzira bwo gukina igice ca kane gishira ica nyuma

Yanditswe na Pacifique BUKURU
Kuya 11 décembre 2017 saa 05:18
29445
0 0

Inyuma y’urukino rwabaye ku muhingamo wo kur’uyu wa mbere igenekerezo rya 11 Kigarama 2017, aho Intamba Murugamba zatana mu mitwe na Sudani y’epfo, urukino rukarangira ata mugwi uronse amahigwe yo kwinjiza igitsindo na kimwe (0-0), Uburundi bwaciye buronka uburenganzira bwo gukina igice ca kane gishira ica nyuma.

Mu murwi B wari uhurikiyemwo imigwi y’Uburundi, Etiyopiya, Ubuganda, Sudani y’epfo, Uburundi bwarangije igice ca mbere buri mu kibanza ca kabiri n’amanota 5, bukaza inyuma y’Ubuganda n’abwo nyene bufise amanota 5 ariko bukarusha ibitsindo Uburundi.

Muri uwo murwi nyene igihugu ca Etiyopiya kiza mu kibanza ca gatatu n’amanota 4 nayo Sudani y’epfo ikaza mu kibanza ca nyuma n’inota 1 gusa.

Mu gice ca kane gishira ica nyuma, Uburundi buzotana mu mitwe n’igihugu ca Zanzibar kiza mu kibanza ca mbere mu murwi A


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha