Christiano Ronaldo yahawe agashimwe k’umukinyi yigenjeje neza i Buraya

Yanditswe na MUGISHA Van Naris
Kuya 25 Myandagaro 2017 saa 08:01
Yasomwe : 7317
0 0

Christiano Ronaldo, umukinyi w’umusatirizi mu murwi Real Madrid, mu gihugu ca Espagne yatahukanye agashimwe k’umukinyi yigenjeje neza ku mugabane wa Buraya,mu rukino rw’umupira w’amaguru, mu mwaka wa 2017. Ibirori vyo gutanga agashimwe vyabereye mu gisagara ca Monaco, mu gihugu c’Ubufaransa.

Umukinyi Christiano Ronaldo yaronse ako gashimwe k’umukinyi yigenjeje neza, arushije umukinyi Lionel Messi akinira umurwi FC Barcelone na Gianluigi Buffon, umunyezamu akinira umurwi wa Juventus.

Christiano Ronaldo w’imyaka 32 aronse ako gashimwe inyuma yo gufasha umurwi wiwe wa Real Madrid gutahukana igikombe ca UEFA Champions League mu myaka ibiri ikurikirana, akaba ari nawe yahejeje afise ibitsindo vyinshi.

Ku ruhande rw’abakenyezi, ako gashimwe k’umukinyi yigenjeje neza kahawe Lieke Martens akinira umurwi FC Barcelone w’abakenyezi, akaba akinira kandi umurwi nserukiragihugu w’Ubuhorande.

Christiano Ronaldo aronse ako gashimwe ku ncuro igira gatatu, inyuma y’ako yaronse mu mwaka wa 2014 no mu mwaka wa 2016.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha