Cristiano Ronaldo yatumweko kwitaba ubutungane bwa Espagne

Cristiano Ronaldo yagirizwa kutariha amakori ashika imiliyoni 14,7 z’amafaranga y’abanyaburaya ava mu mafaranga arihwa, mu gihe ishusho yiwe ikoreshejwe n’amahinguriro ari mu bindi bihugu.

Kw’igenekerezo rya 13 Ruheshi 2017,parake yo mu gisagara ca Madrid yari yamenyesheje ko yashikanye ibirego yagiriza Cristiano Ronaldo ko atarishe amakori hagati y’umwaka wa 2011 na 2014.

Umuyobozi w’umurwi Real Madrid Florentino Perez yavuze ko gushika ubu Cristiano Ronaldo akiri umukinyi wa Real Madrid , kandi ataravugana nawe kuko bashaka ko agumiza umutima kw’ihiganwa rihuza imirwi yabaye iya mbere ku migabane.

Cristiano Ronaldo akinira umurwi wa Real Madrid kuva mu mwaka wa 2009.