FC Barcelone : Ousmane Dembélé ashobora kumara amezi ane atabonetse mu kibuga

Yanditswe na MUGISHA Van Naris
Kuya 18 Nyakanga 2017 saa 12:51
Yasomwe : 9918
0 0

Umukinyi Ousmane Dembélé aheruka kugurwa n’umurwi FC Barcelone wo mu gihugu ca Espagne ashobora kumara amezi ane atabonetse mu kibuga,inyuma yo gukomerekera mu rukino rwahuje umurwi wiwe n’umurwi Gatafe.

Mw’itangazo umurwi FC Barcelone wasohoye kuri uno w’Imana igenekerezo rya 17 Nyakanga 2017, umenyesha ko Ousmane Dembélé yakomeretse cane mw’itako ry’ibubanfu ibishobora gutuma amaza hagati y’amezi atatu n’igice n’amezi ane atabonetse mu kibuga.

Ku bijanye naho azokwivuriza,umurwi FC Barcelone wamenyesheje kandi ko Ousmane Dembélé agiye kubagirwa mu gihugu ca Finlande.

Urwo rukino umurwi FC Barcelone yatsinze Getafe ibitsindo bibiri kuri kimwe ari narwo umukinyi Ousmane Dembélé yakomerekeyemwo rwari rubaye urukino rwa kabiri umukinyi Ousmane Dembélé akinye agatangura mu kibuga.

JPEG - 197.8 ko
Ousmane Dembélé ava mu kibuga ahejeje gukomereka

Ousmane Dembele yaguzwe ava mu murwi Borussia Dortimund amafaranga yabababa imiriyoni 145 z’amafaranga y’abanyaburaya,bigatuma aba umukinyi wa kabiri aguzwe amafaranga menshi muri kahise k’umupira w’amaguru,inyuma y’umukinyi Neymar yavuye mu murwi FC Barcelone aja mu murwi Paris Saint Germain mu gihugu c’Ubufaransa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha