FFB :Ihiganwa mu cicaro ca mbere rirabandanya ku munsi wa kabiri

Yanditswe na MUGISHA Van Naris
Kuya 20 Nyakanga 2017 saa 02:53
Yasomwe : 5715
0 0

Ihiganwa ry’umupira w’amaguru mu Burundi ,mu cicaro ca mbere Primus Ligue Burundi rirabandanya kuri uno wa gatatu igenekerezo rya 20 Nyakanga 2017,ku munsi waryo wa kabiri. Mu nkino zitegekanijwe, urukino ruhuza umurwi wa Musongati FC w’i Gitega na Aigle Noir CS w’i Makamba nirwo rurindiranywe igishika n’abakunzi b’umupira w’amaguru.

Urukino ruhuza umurwi Musongati FC na Aigle Noir CS rubera ku kibuga c’i Gitega isaha icenda z’umuhingamo kuri uno wa gatatu igenekerezo rya 20 Nyakanga 2017. Iyo mirwi yahejeje ihiganwa ry’umwaka uheze umwe uri mu kibanza ca 4 uwundi uri mu kibanza ca gatanu.

Izindi nkino zitegekanijwe igihe c’isaha icenda ni urukino ruhuza umurwi Flambeau de l’Est wo mu ntara ya Ruyigi n’umurwi Athletico Olympic wo mu gisagara ca Bujumbura, iyo nayo igakinira ku kibuga co mu ntara ya Ruyigi.

Ku kibuga UMUCO c’intara ya Muyinga, umurwi Olympic Star uzoserukira Uburundi mu nkino za CAF, utana mu mitwe n’umurwi uheruka kuduga mu cicaro ca mbere Delta Star wo mu Gatumba.

Urukino rwa nyuma rutegekanijwe ni urukino ruhuza umurwi Vitalo FC na Bujumbura City FC rubera ku kibuga IVYIZIGIRO co mu ntara ya Rumonge.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha