FFB : Umunyezamu wa Vitalo FC yatowe nk’umukinyi yigenjeje neza mu kwezi kwa Ndamukiza

Yanditswe na MUGISHA Van Naris
Kuya 10 mai 2018 saa 10:15
12510
0 0

Umunyezamu w’umurwi Vitalo FC, Jonathan NAHIMANA, niwe yaraye atowe nk’umukinyi yigenjeje neza mw’ihiganwa ry’icicaro ca mbere mu mupira w’amaguru Primus Ligue Burundi, mu kwezi kwa Ndamukiza 2018.

Jonatha NAHIMANA yahiganwa n’abandi bakinyi babiri, Danny Cédrick URASENGA wa Messager Ngozi, hamwe na SHAKA Bienvenue wa Aigle Noir wo mu ntara ya Makamba.

Amakuru dukesha ikinyamakuru burunsisport.com, amenyesha ko Jonathan NAHIMANA yatowe ku majwi 34,5 kw’ijana, SHAKA Bienvenue atorwa ku majwi 32,8, mu gihe Danny Cédrick URASENGA yatowe ku majwi 32,7.

Imirwi ibiri ikaba ariyo itora umukinyi yaranze ukwezi mw’ihiganwa rya Primus Ligue Burundi, iyo nayo ikaba igizwe uwa mbere, n’abamenyeshamakuru, uwa kabiri ukaba ugizwe n’abakunzi b’umupira w’amaguru aho barungika ubutumwa kuri terefone ngendanwa.

JPEG - 259.3 ko
Jonathan NAHIMANA, umunyezamu wa Vitalo FC (Photo : burundisport.com)

Kuva agashimwe k’umukinyi yigenjeje neza ku kwezi kw’ihiganwa rya Primus Ligue Burundi, ribaye irya mbere aho ako gashimwe gahabwa umunyezamu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha