FFB : Umurwi Kayanza United waronse uburenganzira bwo gukina mu cicaro ca mbere

Yanditswe na MUGISHA Van Naris
Kuya 7 mai 2018 saa 09:25
8415
0 0

Ihiganwa ry’umupira w’amaguru mu cicaro ca kabiri ryarabandanije kuwa gatandatu igenekerezo rya 5 no kuw’Imana igenekerezo rya 6 Rusama 2018. Inyuma y’izo nkino, umurwi Kayanza United ukaba wararonse uburenganira bwo gukina mw’ihiganwa ry’icicaro ca mbere mu mupira w’amaguru, mu mwaka uza wa 2018-2019.

Umurwi Kayanza United waronse ubwo burenganzira inyuma yo gutsinda umurwi Les Crocos wo mu ntara ya Bubanza , ibitsindo bitatu ku busa , mu rukino rwabaye kuwa gatandatu igenekerezo rya 5 Rusama 2018.

Mu zindi nkino, zo kuwa gatandatu igenekerezo rya 5 Rusama 2018, imirwi yatsindanye uku gukurikira :

Rumonge city 2-2 Magara stars.
Les Eléphants 2-0 Busoni star.
Transport Fc 2-0 Rukinzo Fc.
Muzinga 1- 0 Bumamuru Fc

Mu nkino za kuw’Imana igenekerezo rya 6 Rusama 2018, imirwi yatsindanye uku gukurikira :

ESpoir 0-2 BS Dynamik
Volontaire Fc 3-0 Rusizi fc
Unité Fc 1-0 Moso sugar.

Hasigaye urukino rumwe kugira ihiganwa ry’umupira w’amaguru mu cicaro ca kabiri rirangire, Transport Fc uri mu kibanza ca kabiri mu murwi A, uzokina n’umurwi Volontaire FC wabaye uwa kabiri, mu murwi B.

Gushika ubu, umurwi Kayanza United, uciye usanga Rukinzo FC w’igiporisi nawo wahora mu cicaro ca kabiri, mu cicaro ca mbere Primus Ligue Burundi ry’umwaka uza wa 2018 ushira uwa 2019.


Kumenyekanisha

1
Dieugo 12-05-2018 à 09:10

Arik Mana mbega ibintu vyiz kayanza united ? Imana ihabwe icubahiro

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha