FFB : Urutonde rw’inkino za kivandimwe hagati y’umurwi w’abakiri bato n’uwo abakuze rwagiye ahabona

Yanditswe na MUGISHA Van Naris
Kuya 6 juin 2018 saa 02:06
9375
0 0

Umurwi ujejwe ubihinga mw’ishirahamwe ry’umupira w’amaguru mu Burundi FFB, washize ahabona ikirangaminsi c’imyimenyerezo n’inkino za kivandimwe z’umurwi nserukiragihugu w’abatarenza imyaka 20, hamwe n’umurwi nserukiragihugu w’abakuze. Bitegekanijwe ko iyo mirwi izokina inkino za kivandimwe zitatu.

Nk’uko biri ku rwandiko rw’umurwi ujejwe ubuhinga mw’ishirahamwe ry’umupira w’amaguru mu Burundi, imyimenyerezo ku murwi nserukiragihugu w’abatarenza imyaka 20 itegekanijwe mu gatondo kuva igihe c’isaha imwe gushika isaha zitatu z’igitondo.

Ku ruhande rw’umurwi nserukiragihugu w’abakuze, uwo murwi utangura imyimenyerezo kur’uyu wa gatatu igenekerezo rya 6 Ruheshi 2018, imyimenyerezo ikaba itegekanijwe kuva igihe c’isaha icenda z’umuhingamo, gushika isaha icumi n’imwe z’umuhingamo.

Umurwi ujejwe ubuhinga mw’ishirahamwe ry’umupira w’amaguru mu Burundi FFB, umenyesha ko mu ntumbero yo kwitegura neza, umurwi nserukiragihugu w’abatarenza imyaka 20, uzokina urukino rwa mbere rwa kivandimwe n’umurwi w’abakuze, kw’igenekerezo rya 16 Ruheshi 2018, isaha icenda z’umuhingamo,mu ntara ya Ngozi.

Izindi nkino za kivandimwe hagati y’umurwi nserukiragihugu w’abatarenza imyaka 20 n’umurwi w’abakuze, zizoba, kw’igenekerezo rya 24 Ruheshi 2018, ku kibuga c’intara ya Gitega, urukino rwa nyuma rwa kivandimwe rubere mu ntara ya Muyinga, kw’igenekerezo rya 30 Ruheshi 2018.

Umurwi nserukiragihugu w’abatarenza imyaka 20 watanguye imyimenyerezo kur’uyu wa mbere igenekerezo rya 4 Ruheshi 2018, mu ntumbero yo kwitegurira urukino ruzowuhuza na Zambiya, mu ntango z’ukwezi kw’indwi, mu ntumbero yo kurondera uburenganzira bwo kwitaba ihiganwa ry’imirwi nserukirabihugu rizobera muri Niger mu mwaka wa 2019.


Kumenyekanisha

1
Gilbert Mpawenimana Gaëtan 10-06-2018 à 18:11

nivyiza kuriyo nteguro !Mwoduha urutond rwabavuy hanz ?Hamw mwotumako saido wundi mwoba mukoz !

2
nduwimana jean marie 7-06-2018 à 10:40

Hama ndabashimiye kuriyo nteguro muriko mugira kugira mutegure bene wacu ham wamukinyi ava mubwongereza ntarashika

Hama muhezagirwe

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha