IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Imibano > Gihosha: Abanyagihugu basaba ishirahamwe REGIDESO kubaronsa (...)

Gihosha: Abanyagihugu basaba ishirahamwe REGIDESO kubaronsa amazi

jeudi 16 Ntwarante 2017

Inyuma y’indwi irenga ama quartier ya Gihosha na Mutanga Nord zo muri zone Gihosha, komine ya Ntahangwa mu gisagara ca Bujumbura ata mazi ahaboneka, abanyagihugu basaba ishirahamwe ritanga amazi n’umuyagankuba REGIDESO gukora ibishoboka kugira baronke amazi.

Abanyagihugu bo muri quartier ya Gihosha na Mutanga Nord bavuga ko badatahura ingene hahera iminsi irenga indwi ata mazi baronse kandi mu bindi bice vy’igisagara amazi ahari.

Abo banyagihugu bamenyesha ko batanguye kugira ubwoba ko indwara zivuye kw’isuku rike zishobora gutangura kwibonekeza muri ico gice c’igisagara ca Bujumbura.

Mw’ishirahamwe ritanga amazi n’umuyagankuba REGIDESO bamenyesha ko ikibazo c’ikena ry’amazi muri zone ya Gihosha bakizi, bakizeza abanywanyi babo ko, kuva kuri uno wa kane igenekerezo rya 16 Ntwarante,umwaka wa 2017 ico kibazo gishobora gutorerwa inyishu.


IGIHE

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.