Google yaciwe ihadabu n’Ishirahamwe ry’Ubumwe bwa Buraya

Yanditswe na Vianney BIKRIMANA
Kuya 28 Ruheshi 2017 saa 08:45
Yasomwe : 2682
0 0

Imiriyaridi 2,42 z’amafaranga y’amanyaburaya niyo hadabu akanama k’ubumwe bwa Buraya kaciye ishirahamwe Google inyuma yo kwagirizwa n’ubumwe bwa Buraya ko karenze ku mategeko ajanye n’uguteza imbere ubudandaji bw’ayo.

Bivugwa ko iyo hadabu yaciriwe ishirahamwe google mu mahadabu ya mbere atangishijwe kw’ishirahamwe ryagirizwa kwonona isoko.

Mu bihano iryo shirahamwe ryafatiwe harimwo guhagarika ibikorwa vyo kubangamira ayandi masoko mu kiringo kitarenze imisi 90.

Magrethe Vestager ajejwe amhiganwa mu budandaji mw’Ishirahamwe ry’Ubumwe bwa Buraya, yamenyesheje ko ishirahamwe Google ryabujije ayandi mashirahamwe guhiganwa mu vyo ashoboye, kandi ko ryabujije abaguzi kwihitiramwo no kwinagura mu nyungu zivuye mu guhiganwa.

Magrethe vestager yavuze ati : “ Ivyo google yakoze ntibirekuriwe n’amategeko agenga ishirahamwe ry’Ubumwe bwa Buraya.“

Magrethe Vestager yavuze kandi ko ico gihano bafatiye ishirahamwe google kizotuma bashobora gutorera umuti ingorane zijanye n’ingene google yerekana amakarata yayo ,ibijanye n’ibiciro vy’indege hamwe n’ubudandaji buto buto bwibonekeza mu gihe umuntu ariko arondera ikintu k’urupapuro rwa google .

Ishirahamwe Google rirahakana ivyo ryagiriji vyose , rikamenyesha ko rishobora kwunguruza urwo rubanza .

Mwomenya ko ishirahamwe Google ryaheruka kwagiriza amashirahamwe Amazon na eBay ko afise uruhara ku nyifato y’uko abantu bakoresha amahera aba avuye mu nyungu z’amahiganwa


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha