Incamake

CoupeDuMonde2018: Brésil & Belgique yaronse itike yo kuja mu gice ca kane gishira icanyuma

Yanditswe na Vianney BIKORIMANA
Kuya 2 July 2018 saa 08:10
8370
0 0

Igihugu ca Bresil caronse uburengenzanira bwo guhiganirwa igice ca kane gishira icanyuma mu rukino rw’umupira w’amaguru kw’isi ruri kubera mu gihugu c’Uburusiya inyuma yo gutsinda igihugu ca Mexique ibitsindo 2 k’ubusa.

Igitsindo ca mbere cinjijwe n’umukinyi Neymar Junior ku munota wa 51 icakabiri naco cinzizwa na Roberto Firmino k’umunota wa 88 w’urukino.

Bresil gihambije ibihugu vy’Ubufaransa,Uburusiya,Croatie hamwe n’igihugu ca Uruguay.

Urundi rukino rwahuje igihugu c’Ubuyapani hamwe n’Ububirigi, Ububirigi bwatsinze ibitsindo 3 kuri 2, buca buronka uburengenzanira bwo guhiganirwa igice ca kane gishira icanyuma.

Inkino zitegekanijwe guhura ejo n’urukino ruzohuza igihugu ca Suede n’Ubuswise hamwe n’urukino ruzohuza Colombie n’igihugu c’Ubwongereza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha