Abakinyi b’Uburundi bemerewe agashirukabute batsinze Sudani yo mu Bumanuko

Yanditswe na MUGISHA Van Naris
Kuya 1er juin 2017 saa 12:35
Yasomwe : 13095
0 0

Umukuru w’Ishirahamwe ry’umupira w’amaguru mu Burundi FFB Reverien NDIKURIYO amenyesha ko mu gihe umurwi nserukiragihugu Intamba mu Rugamba wotsinda umurwi nserukiragihugu wa Sudani yo mu Bumanuko abakinyi bazoronswa agashirukabute.

Abicishije ku rubuga rwiwe rwa facebook, umukuru w’ishirahamwe ry’umupira w’amaguru mu Burundi yamenyesheje ko umukinyi wese azoronka umuriyoni w’amafaranga y’amarundi, ariko bakazoyaronka mu gihe botahukana intsinzi.

Umukuru w’ishirahamwe ry’umupira w’amaguru mu Burundi agahamagarira abarundi kuza gushigikira umurwi nserukireagihugu Intamba mu Rugamba ari benshi.

Urwo rukino hagati y’umurwi nserukiragihugu Intamba mu Burundi n’umurwi nserukiragihugu wa Sudani y’Ubumanuko ruzoba kw’igenekerezo rya 10 Ruheshi 2017, ku kibuga citiriwe umuganwa Ludoviko RWAGASORE.

Umurwi nserukiragihugu w’Uburundi, uri mu murwi umwe n’imirwi ya Gabon, Mali hamwe na Sudani yo mu Bumanuko, mw’ihiganwa ry’ukurondera imirwi izokwitaba ihiganwa ry’igikombe ca Afrika (CAN).


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha