Incamake

Intamba mu rugamba z’abatarenza imyaka 20 zatsinze Etiyopiya ibitsindo bibiri ku busa

Yanditswe na MUGISHA Van Naris
Kuya 1er avril 2018 saa 10:30
11115
0 0

Umurwi nserukiragihugu Intamba mu Rugamba w’abakinyi batarenza imyaka 20, watsinze umurwi wa Etiyopiya ibitsindo bibiri ku busa , mu rukino rwabaye kur’uyu w’Imana igenekerezo rya 1 Ndamukiza 2018, I Addis-Abeba.

Igitsindo ca mbere c’umurwi nserukiragihugu w’Uburundi, intamba mu Rugamba, cinjiye ku munota w’indwi w’igice ca mbere c’urukino, cinjijwe na Pascal Ramadhan.

Umurwi nserukiragihugu w’Uburundi wabandanije usatira umurwi nserukiragihugu wa Etiyopiya, mbere ku munota wa 22, umukinyi Moustapha Selemani yinjiza igitsindo ca kabiri, igice ca kabiri gihera ari ibitsindo bibiri vy’Uburundi, ku busa bwa Etiyopiya.

Mu gice ca kabiri, Intamba mu Rugamba zaje zishaka kwinjiza igitsindo ca gatatu, umurwi wa Etiyopiya nawo uza ushaka kugombora ibitsindo bibiri, ariko ntivyakunze kuko urukino rwarinze ruhera, ari ibitsindo bibiri k’ubusa.

Umurwi nserukiragihugu wa Etiyopiya ukeneye gutsinda ibitsindo bitatu k’ubusa umurwi nserukiragihugu Intamba mu Rugamba, kugira uronke uburenganzira bwo kubandanya ihiganwa.

Bitegekanijwe ko umurwi uzotsinda hagati y’Uburundi na Etiyopiya uzoca ukina n’umurwi nserukiragihugu wa Sudani.


Kumenyekanisha

1
Niyukuri mkombozi 3-04-2018 à 11:07

ego cane a BARUNDI turanezerwejwe niyo tsinzi y,itamba murugamba u-20 tugasaba,abobakinyi,bongere,basiremwo,inguvu zirenz’kugira’ngo,nasudani:tuzoyicemwo’gushika,igikombe’tugitway,ndavyizeye,igikombe,cisi,yose’nirwacu

2
nzobe 2-04-2018 à 07:55

mukomereze aho bana b’iwacu

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha