Ligue des Champions : Abazohagarikira urukino rwa nyuma bamenyekanye

Yanditswe na MUGISHA Van Naris
Kuya 7 mai 2018 saa 02:54
13200
0 0

Ishirahamwe ry’umupira w’amaguru ku mugabane wa Buraya UEFA, rimenyesha ko umunyaseribiya Milorad Mazic, ariwe azohagarikira urukino rwa nyuma ruhuza imirwi yabaye iya mbere mu bihugu vyayo, ku mugabane wa Buraya, kw’igenekerezo rya 26 Rusama 2018, mu gisagara ca Kiev, mu gihugu ca Ukraine.

Amakuru dukesha itororokanirizo ry’amakuru ry’abafaransa AFP, amenysha ko uwo muhagarikizi azofashwa ku mpande muri urwo rukino ruzohuza Real Madrid na Liverpool ,n’abandi babiri bava mu gihugu kimwe, aribo, Milovan Ristic na Dalibor Djurdjevic, umufaransa Clement Turpin nawe akazoba ari umuhagarikizi agira kane.

Itororokanirizo ry’amakuru AFP, rimenyesha kandi ko Milorad Mazic,atari irya mbere ahagarikiye inkino zikomeye, kuko urukino rwa nyuma rw’ihiganwa rihuza imirwi nserukirabihugu yigenjeje neza ku migabane hagati ya Chili n’Ubudagi, mu mwaka uheze wa 2017, ariwe yaruhagarikiye.

Urukino rwa nyuma rwa Europa Ligue narwo ruzohuza umurwi wa Athletico Madrid na Mareseille, ruzohagarikirwa n’umudagi Bjorn Kuipers, hazoba ari kw’igenekerezo rya 16 Rusama 2018.


Kumenyekanisha

1
Saloumon Calou B 17-05-2018 à 00:54

Mbega Vitalo uzokinaryari.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha