Portugal : Umuvyeyi w’umumenyereza José Mourinho yitavye Imana

Yanditswe na MUGISHA Van Naris
Kuya 26 Ruheshi 2017 saa 02:11
Yasomwe : 4698
0 0

Umuvyeyi w’umumenyereza José Mário dos Santos Mourinho Félix azwi kw’izina rya José Mourinho amenyereza umurwi Manchester United,yitavye Imana inyuma y’indwara yari amaranye igihe kinini.

Umuvyeyi wa José Mourinho yitavye Imana kuw’Imana igenekerez rya 25 Ruheshi 2017,afise imyaka 79 y’amavuko,mu gisagara ca Setubal,mu gihugu ca Portugal.

Mu kwerekana umubabaro yatewe n’urupfu rwa se wiwe,abicishe ku rubuga rwa Instagram José Mourinho, yashizeko ishusho bafashe akiri mut ari kumwe n’umuvyeyi wiwe,yaherekejwe n’ubutumwa butandukanye bwo kumuhoza.

Se wa José Mourinho yitavye Imana, yahoze ari umunyezamu mu murwi Vitoria Setubal na Belenenses. Yakinye kandi mu murwi nserukiragihugu wa Portugal mu mwaka w’1972.

Umuvyeyi wa José Mourinho yarabaye kandi umumenyereza w’imirwi Uniao Leiria, Amora, Rio Ave, Belenenses na Vitoria yo mu gihugu ca Portugal.

Bitegekanijwe ko bazomusezera irya nyuma kuri uno wa kabiri igenekerezo rya 27 Ruheshi 2017.


Kumenyekanisha

1
Adronis 1er-07-2017 à 22:34

IMANA NIMWAKIRE MURUNDI IVYOYARIKOZE VYARI VYINSHI VYINGIRA KAMARO.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha