Uburundi bwaserukiwe mu nama igira iya 68 y’Ishirahamwe FIFA

Yanditswe na IGIHE
Kuya 13 juin 2018 saa 01:32
15480
0 0

Igihugu c’Uburundi caserukiwe mu nama igira 68 y’Ishirahamwe ry’umupira w’amaguru kw’isi FIFA, iriko ibera i Moscou ku murwa mukuru w’igihugu c’Uburusiya. Ku rutonde rw’ivyigwa muri iyo nama, harimwo ugutora igihugu kizokwakira ihiganwa ry’igikombe c’isi mu mwaka wa 2026.

Amakuru dukesha urubuga rwa Twitter rw’ishirahamwe ry’umupira w’amaguru mu Burundi FFB, amenyesha ko igihugu c’Uburundi caserukiwe n’umukuru wa FFB, Reverien NDIKURIYO, umunyamabanga mukuru Jérémie MANIRAKIZA , n’umukuru w’umurwi ujejwe umutekano Alexis MUYENGE.

Ibindi vyizwe muri iyo nama ya FIFA, uretse gutora igihugu kizokwakira ihiganwa ry’igikombe c’isi mu mwaka wa 2026, hemejwe icegeranyo c’ibikorwa, hatowe kandi amafaranga azokoreshwa mu kiringo ca 2019/ 2022, hongera hahanahanwa ivyiyumviro ku vyashikirijwe n’amashirahamwe y’umupira w’amaguru mu bihugu bitandukanye.

Igikorwa nyamukuru co gutora igihugu kizokwakira ihiganwa ry’igikombe c’isi mu mwaka wa 2026, kirangiye igihugu ca Reta Zunze Ubumwe za Amerika, Canada na Mexique arivyo bitowe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha