Umukinyi Neymar Junior yashitse mu gisagara ca Paris

Yanditswe na MUGISHA Van Naris
Kuya 4 Myandagaro 2017 saa 01:27
Yasomwe : 12366
0 0

Umukinyi Neymar Junior yahora akinira umurwi wa FC Barcelone yamaze gushika ku murwa mukuru w’Ubufaransa Paris, aho agiye gukina mu murwi Paris Saint Germain mu kiringo c’imyaka itanu.

Ku mafaranga imiriyoni 222 z’amafaranga y’abanyaburaya, Neymar Junior abaye umukinyi wa mbere kw’isi aguzwe amafaranga menshi, inyuma ya Paul Pogba yaguzwe ayashika imiriyoni 100 ava mu murwi wa Juventus de Turin aja mu murwi Manchester United.

Neymar Junior yashitse ku kibuga c’indege mu ndege ntoya, yakirwa n’abantu isinzi bari baje kumutegera kuva mu gatondo kare, harimwo abakunzi biwe n’abakunzi b’umurwi wa Paris Saint Germain agiye gukinira.

Imbere y’uko ashika mu gisagara ca Paris, Neymar Junior yashimiye Lionel Messi na Luis Suarez afata nk’abavukanyi, ku bihe vyiza bamaranye mu murwi wa FC Barcelone, aca abipfuriza kubandanya bagira ibihe vyiza mu murwi wa FC Barcelone.

Kuva mu gatondo ko kuri uno wa gatanu igenekerezo rya 4 Myandagaro 2017, mu mazu y’ubudandaji mu gisagara ca Paris, hibonekeza abakunzi benshi b’umurwi Paris Saint Germain baza kugura impuzu umukinyi Neymar Junior azokwambara.

Bitegekanijwe ko inyuma y’umutaga umukinyi Neymar Junior aza gutanga ikiganiro ku bamenyeshamakuru.


Kumenyekanisha

1
patrick nihorimbere 29-08-2017 à 22:35

ashobora kumenyekana akoze amateka nkayo yakora muri Barcelona

2
Rukundo 5-08-2017 à 06:41

mbe Neymar Azosubira Bumenyekana Nkuko Yamenyekanye Mu Barcelona?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha