Umukuru w’ishirahamwe ry’umupira w’amaguru muri Afrika "CAF" yashitse i Bujumbura

Ahmad Ahmad yakiriwe ku kibuga c’indege ca Bujumbura n’uwurongoye Ishirahamwe ry’umupira w’amaguru mu Burundi (FFB), Reveriyano NDIKURIYO.

Imbere y’uko yerekeza mu ntara ya Gitega ahabera urukino rwa nyuma ruhuza Tanzaniya na Somaliya, Ahmad Ahmad abanza kwakirwa n’umukuru w’igihugu c’Uburundi Petero NKURUNZIZA, igihe c’isaha zitanu n’iminota 30.

Tubibutse ko mu barorerezi b’iteka bazoba bari ku kibuga citiriwe INGOMA kiri mu ntara ya Gitega ahabera urwo rukino rwa nyuma, harimwo umukuru w’igihugu ca Somaliya ashika nawe nyene i Bujumbura kuri uwu w’Imana.