Burundi - Sudani : Abakinyi 11 b’Intamba mu rugamba bashobora gutangura mu kibuga

Yanditswe na MUGISHA Van Naris
Kuya 9 Ruheshi 2017 saa 12:22
Yasomwe : 12546
0 0

Umumenyereza mukuru w’umurwi nserukiragihugu Intamba mu rugamba Olivier NIYUNGEKO, amenyesha ko abakinyi yatoye bashobora gutangura mu kibuga mu rukino ruzoba kuwa gatandatu igenekerezo rya 10 Ruheshi 2017 ruzohuza umurwi nserukiragihugu w’Uburundi n’uwa Sudani y’Ubumanuko, yabatoye yisunze uko bigenjeje mu myimenyerezo.

Mu kiganiro yahaye abamenyeshamakuru kuri uno wa gatanu igenekerezo rya 9 Ruheshi 2017, imbere y’amasaha make kugira urukino rube, yamenyesheje ko abakinyi bashbra kuzotangura mu kibuga mu gihe atacohinduka ari :

1. Jonathan Nahimana(Umunyegori)

Ku ruhande rw’inyuma hazokina:

2. Moussa Omar,
3. Frédéric Nsabiyumva,
4. Rashid Léon Harerimana,
5. Karim Nizigiyimana,

Hagati hazokina:

6. Pierre Kwizera,
7. Gael Duhayindavyi,
8. Shassir Nahimana,

Abasatirizi :

9. Fiston Abdul Razzak,
10. Selemani Ndikumana,
11. Cedric Amissi

Abashobora gusubirira abandi ni:

Yvan Rugumandiye, David Nshimirimana, Trésor Ndikumana, Laudit Mavugo, Claude Ndarusanze, Claude Nahimana, na Dany Cedric Urasenga.

Umumenyereza Olivier NIYUNGEKO amenyesha ko umurwi wa Sudani y’Ubumanuko atari umurwi woroshe, ariko ko bizeye intsinzi kuko biteguye neza kandi abakinyi bose bameze neza.

Yaba umumenyereza canke kizigenza w’umurwi Yamin Seleman NDIKUMANA, basaba abarundi bose kuza gushigikira umurwi nserukiragihugu, atari gushigikira umukinyi umwe ku gatwe kiwe, kuko bazoba bariko bakina kugira batere iteka igihugu c’Uburundi.

Urukino ruzoba kuri uno wa gatandatu igenekerezo rya 10 Ruheshi 2017, isaha icenda z’umuhingamo ku kibuga citiriwe umuganwa Rudoviko RWAGASORE.

Mu gihe Uburundi bwotsinda urwo rukino, ishirahamwe ry’umupira w’amaguru mu Burundi ryemereye umukinyi wese amafaranga agera ku muriyoni w’amarundi.


Kumenyekanisha

1
ntungwanayo jaques 20-07-2017 à 10:36
2
Omar RUBERINTAWARI 9-06-2017 à 22:01

Inshallah Sudan tuzoyitsinda niberey muri NDUTA CAMP mugabo nd’Umurundi

3
vuganeza brundi 9-06-2017 à 17:47

Imana ibishatse tuzotsinda

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha