Umurwi Flambeau de l’Est waronse amanota atatu ya mbere kuva ihiganwa ritanguye

Yanditswe na MUGISHA Van Naris
Kuya 5 Gitugutu 2017 saa 02:28
12690
0 0

Ihiganwa ry’umupira w’amaguru mu cicaro ca mbere Primus Ligue Burundi ryarabandanije ku munsi waryo wa gatanu kuri uno wa gatatu igenekerezo rya 4 Gitugutu 2017. Inyuma y’igice ca mbere c’inkino, umurwi LLB uracari mu kibanza ca mbere n’amanota 15, inyuma yo gutsinda umurwi wa Messager Bujumbura igitsindo kimwe ku busa.

Mu zindi nkino zabaye ku munsi wa mbere w’indwi ya 5, imirwi yatsindanye uku :

Les Lierres 3-1 Delta Star

Olympic Star 2-0 Les Jeunes Athletique

Ngozi City 2-3 Aigle Noir

Vital’O FC 0-0 Athletico Olympique.

Mu zindi nkino, umurwi Flambeau de l’Est waronse intsinzi y‘ibitsindo bibiri ku busa bw’umurwi Bujumbura City, bituma uwo murwi uva mu bibanza vya nyuma.

Mu zindi nkino imirwi yatsindanye uku :

Musongati 2-1 Inter Star

LLB 1-0 Messager Bujumbura

Kuri uno wa kane igenekerezo rya 5 Gitugutu 2017, bitegekanijwe ko umurwi Flambeau du centre utana mu mitwe n’umurwi Messager Ngozi.

Ku rutonde mfatakibanza, umurwi LLB uza mu kibanza ca mbere n’amanota 15, ugakurikirwa n’umurwi wa Aigle noir w’i Makamba ufise amanota 13, mu kibanza ca gatatu haza umurwi Olympic Star wo mu ntara ya Muyinga.

Imirwi ibangamiwe cane ni Delta Star wo mu Gatumba n’umurwi Inter Star iza mu bibanza bibiri vya nyuma.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha