Umurwi nserukiragihugu w’Uburundi w’abatarenza imyaka 20 wanganije n’uwa Sudani

Yanditswe na MUGISHA Van Naris
Kuya 13 mai 2018 saa 01:58
Yasomwe :
0 0

Umurwi nserukiragihugu w’Uburundi w’abakinyi batarenza imyaka 20 warangije n’umurwi nserukiragihugu wa Sudani, igitsindo kimwe ku kindi, mu rukino rwo gutangura rwabereye ku kibuga Urukundo co mu ntara ya Ngozi, kur’uno wa gatandatu igenekerezo rya 12 Rusama 2018.

Urukino rwatanguye igihe c’isaha icenda z’umuhingamo, imirwi yose yerekana ko ikeneye intsinzi, mbere umurwi Intamba mu Rugamba userukira Uburundi, wahavuye utsinda igitsindo ca mbere, ku munota wa 24 w’igice ca mbere c’urukino, cinjijwe na Juma Mohamed.

Ibintu ntivyatevye guhinduka, kuko ku munota wa 29, umurwi nserukiragihugu wa Sudani waciye utsinda igitsindo ca mbere, cinjijwe na Wallaeidin Moussa, imirwi yose ica iranganya igitsindo kimwe ku kindi, gushika igice ca mbere kirangire.

Mu gice ca kabiri, umurwi nserukiragihugu w’Uburundi waragerageje gusatira, eka mbere n’umurwi wa Sudani urasatira, ariko nta murwi n’umwe wasubiye kuronka igitsindo, urukino rwarangiye imirwi yose inganya, igitsindo kimwe ku kindi.

Urukino rwo gusubiriza ruzoba kw’igenekerezo rya 20 Rusama mu gihugu ca Sudani, rukaba ari urukino rushobora kutorohera Uburundi, na rirya umurwi wa Sudani ufise igitsindo watsindiye hanze y’igihugu.


Kumenyekanisha

1
Nimpagaritse Fulgence 14-05-2018 à 15:15

Ndabipfurij Intsinzi Muri Kartoum Muri Sudan

2
nsavyimana fulgence 13-05-2018 à 14:39

ndawipfurije gutera imbere

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha