Umurwi nserukiragihugu w’Uburundi watakaje ibibanza 3 ku rutonde rwa FIFA

Yanditswe na MUGISHA Van Naris
Kuya 12 avril 2018 saa 02:51
11235
0 0

Umurwi nserukiragihugu w’Uburundi Intamba mu Rugamba, wakorotse ibibanza bitatu, ku rutonde ishirahamwe ry’umupira w’amaguru kw’isi FIFA risohora uko ukwezi guheze.

Nk’uko biri ku rutonde rwa FIFA rwasohotse kur’uno wa kane igenekerezo rya 12 Ndamukiza 2018, umurwi nserukiragihugu w’Uburundi wavuye mu kibanza c’142 mu kwezi guheze kwa Ntwarante, utibukira mu kibanza c’145 muri uku kwezi kwa Ndamukiza.

Mu karere ka Afrika y’Ubuseruko, umurwi uza mu kibanza ca mbere n’umurwi w’Ubuganda uza mu kibanza ca 74, ugakurikirwa n’umurwi wa Kenya uza mu kibanza c’113, umurwi w’Urwanda uza mu kibanza c’123, Tanzaniya uza mu kibanza c’137, umurwi wa Etiyopiya unganya n’Uburundi uza mu kibanza c’145.

Mu kibanza ca mbere kw’isi hari umurwi nserukiragihugu w’Ubudagi, mu kibanza ca kabiri haza umurwi Bresil, mu kibanza ca kane haza Ububirigi, mu kibanza kane ni Portugal, mu kibanza ca gatanu ni umurwi wa Argentine.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha