Incamake

Umurwi nserukiragihugu w’abatarenza imyaka 20 wizeza intsinzi imbere ya Etiyopiya

Yanditswe na MUGISHA Van Naris
Kuya 19 avril 2018 saa 09:29
8685
0 0

Umurwi nserukiragihugu Intamba mu Rugamba w’abakinyi batarenza imyaka 20 uri mu ntara ya Ngozi kuva kuwa kabiri igenekerezo rya 17 Ndamukiza 2018, mu ntumbero yo kwitegurira urukino rwo gusubiriza ruzowuhuza na Etiyopiya, kuwa gatandatu igenekerezo rya 21 Ndamukiza 2018. Amakuru ava mu ntara ya Ngozi aho bashikiye, amenyesha ko abakinyi bose bameze neza kandi bizeye gutahukana intsinzi.

Ayo makuru ava mu ntara ya Ngozi, mu murwi nserukiragihugu w’abatarenza imyaka 20, amenyesha ko abamenyereza n’abakinyi bose bameze neza, kandi bamaze no gutangura imyimenyerezo, yo kwitegurira urukino.

Mu murwi nserukiragihugu, basaba abakunzi b’umupira w’amaguru kubashigikira kuva ku munota wa mbere w’urukino, gushika ku munota wa nyuma.

Urukino rwa mbere rwo gutangura rwabereye I Addis-Abeba mu gihugu ca Etiyopiya, umurwi nserukiragihugu w’Uburundi watsinze ibitsindo bibiri ku busa bwa Etiyopiya.

Umurwi nserukiragihugu wa Etiyopiya ukeneye gutsinda ibitsindo bitatu ku busa umurwi nserukiragihugu Intamba mu Rugamba, kugira uronke uburenganzira bwo kubandanya ihiganwa.

Bitegekanijwe ko umurwi uzotsinda hagati y’Uburundi na Etiyopiya uzoca ukina n’umurwi nserukiragihugu wa Sudani.

Urukino rwo gusubiriza ruzobera ku kibuga Urukundo co mu ntara ya Ngozi.


Kumenyekanisha

1
Bizi 19-04-2018 à 14:37

Courage les gars.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha