Advertisement
Kumenyekanisha
  IGIHE.bi \BB Inkino \BB FOOTBALL
Abakunzi b’INTAMBA MU RUGAMBA babwiwe isango ry’urukino rw’ugusubiriza
Yanditswe taliki ya 9-10-2015 - isaha 08:52' na Egide NDUWIMANA

Urukino rw’ugusubiriza hagati y’umurwi nserukiragihugu w’Uburundi INTAMBA MU RUGAMBA hamwe n’umurwi nserukiragihugu w’amazinga ya Seychelles rutegekanijwe i Bujumbura kuri uwu wa kabiri igenekerezo rya 13 Gitugutu 2015. Abakunzi b’umupira w’amaguru basabwe gusidukana n’iyonka.

Amakuru dukura mw’ishirahamwe ry’umupira w’amaguru mu Burundi amenyesha ko urukino rwugusubiriza ruzobera i Bujumbura ku kibuga citiriwe umuganwa Rudoviko RWAGASORE, akazoba ari ku munsi w’akaruhuko, kw’igenekerezo rya 13 Gitugutu 2015, umunsi abarundi bibuka igandagurwa ry’umuganwa Rudoviko RWAGASORE yarondeye intahe y’ukwikukira.

Mw’ishirahamwe ry’umupira w’amaguru mu Burundi bahamagarira abakunzi b’umupira w’amaguru hamwe n’abakunzi b’INTAMBA MU RUGAMBA ko boza ari benshi gushigikira umurwi w’Uburundi usanzwe waratsinze mu rukino rwa mbere rwabereye mu mazinga ya Seychelles.

Muri urwo rukino rwa mbere, igitsindo c’Uburundi cinjiye ku munota wa 15 w’igice ca mbere c’urukino, umukinyi Abdoul Razak Fiston, umukinyi w’umusatirizi w’Intamba mu Rugamba akaba ariwe yinjije ico gitsindo cahaye intsinzi umurwi w’Uburundi.

Mw’ishirahamwe ry’umupira w’amaguru bakaba bataramenyesha igiciro itike y’ukwinjira izoba igurwa, tukaba tuzobibamenyesha mu makuru yacu yo hanyuma.

Ivyiyumviro vyanyu

Tuzotsinda 2-0 None Mudushirirj Kuri Television ?

10.10.2015 à 22:49
Sunday Arakaza

Ariko ndabasaba ko mwazadusabira RTNB ikajya itwereka inkino z’intamba kuko mu Rwanda natwe tuba twifuza kuziraba .

10.10.2015 à 06:20
David Soweto

Ariko ndabasaba ko mwazadusabira RTNB ikajya itwereka inkino z’intamba kuko mu Rwanda natwe tuba twifuza kuziraba .

10.10.2015 à 06:18
David Soweto

Turasavye dushimitseko ibimaze iminsi biba kubwinjiriro bitosubira kuba kubarorerezi ! ni ukuvugako controle yobera nkoku metero ijana yubwinjiriro. Akarorero nkokuva kuri garage Mercedes Benz kugira ntihabe umusunikano mukwinjira hanyuma bugurure imiryango yose uko yakabaye. Birababaje kuba waguze itike yawe ukinjira umupira watanguye !
naba police baroroherwa .Ivyo bikozwe uko ntangorane zizohaba. Murakoze

9.10.2015 à 11:37
MANIRAHO

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.