Portugal yatahukanye igikombe ca mbere mu mateka y’inkino za Euro

Yanditswe na IGIHE
Kuya 11 juillet 2016 saa 08:55
Yasomwe : 14382
0 0

Abakinyi b’umurwi nserukiragihugu wa Portugal batahukanye igikombe c’ihiganwa rya Euro 2016, igikombe caciye mu myanya y’intoke abakinyi b’Ubufaransa bari bavyifashemwo neza, kandi bakaba bariko bakinira iwabo, imbere y’abarorerezi isinzi babo hamwe n’umukuru w’igihugu c’Ubufaransa.
Igitsindo kimwe conyene co muri urwo rukino, cinjijwe n’umusatirizi wa Portugal, Eder yambara inomero icenda, akaba hari ku mu gice ca kabiri c’umwanya w’inyongera (Prolongation).
Umurwi wa Portugal watahukanye ico (...)

Abakinyi b’umurwi nserukiragihugu wa Portugal batahukanye igikombe c’ihiganwa rya Euro 2016, igikombe caciye mu myanya y’intoke abakinyi b’Ubufaransa bari bavyifashemwo neza, kandi bakaba bariko bakinira iwabo, imbere y’abarorerezi isinzi babo hamwe n’umukuru w’igihugu c’Ubufaransa.

Igitsindo kimwe conyene co muri urwo rukino, cinjijwe n’umusatirizi wa Portugal, Eder yambara inomero icenda, akaba hari ku mu gice ca kabiri c’umwanya w’inyongera (Prolongation).

Umurwi wa Portugal watahukanye ico gikombe mu gihe wari utari kumwe n’umusatirizi wawo rurangiranwa, kizigenza Cristiano Ronaldo yasohotse ku munota wa 24, asubirizwa kubera ububabare yagize mw’ivi, bimwankira kubandanya urukino.

Iminota 90 y’urukino yaheze ari ubusa ku bundi, hongerwako iminota 30 ari nayo yatandukanije iyo mirwi yompi. Ku munota w’109, umusatirizi Eder yinjije igitsindo cahaye intsinzi Portugal.

Mu kibanza c’abasubirizi aho yari yicaye inyuma y’ugusohoka mu kibuga, Cristiano Ronaldo yaguma aha impanuro bagenzi we bari mu kibuga, abatera intege, mbere biboneka nk’aho ariwe yabaye umumenyereza.

Ico gikombe Portugal yatahukanye mw’ijoro ryo kuri uwu w’Imana kibaye ica mbere mu mateka y’ihiganwa rya Euro rihuza imirwi nserukirabihugu vyo ku mugabane wa Buraya (Euro).
Uwo murwi wa Portugal yaheruka gukina urukino rwa nyuma mu mwaka w’2004, aho watana mu mitwe n’Ubugiriki, ariko ico gihe akaba ata mahirwe Portugal yaronse w’ugutahukana intsinzi.

Amwe mu mafoto yaranze urwo rukino


Kumenyekanisha

1
Kanama 28-08-2016 à 10:51

Christian Yobayarakize Mwoshobora Kutwere Arimubitar

2
Kenedy À Rumonge 17-08-2016 à 22:41

None Christian Yoba Yarakize ?Mwotwereka Agafoto Kiwe Arimubitaro

3
س jackson 9-08-2016 à 20:21

Ndanezerewe canekuba equipe yanje ivamwo kizigenza waleal crician ndaryohewetou

4
Ndayizeye Xavi 20-07-2016 à 23:04

Vyaranryoheye Kuba Ronaldo Yasotse Kare Kuko Abafana Ba Frane Bavuga Kwariwe Gihangange None Ubuho Bavugiki ?

5
Tuyisabe 15-07-2016 à 23:48

ndanezerewe kuba portugal yaratwaye icogikombe

6
Bitangimana aimable 14-07-2016 à 18:53

Ndabi kunze ko twatsinze

7
Côme Manirakiza 11-07-2016 à 23:43

Portugal Kuba Yaratahanye Igikombe Ihaye Amataka Crisiano Ronardo Gutwara Kirya Gikombe

8
Rodriguez 11-07-2016 à 19:31

Vyarambabaje Kubona Ronaldo Yaragize Ingorane Agasohoka Iyagumamwo Ibistindo Vyaba 2 Canke Birenga Ahubwo Ubufarasa Bwagiz’imana.Portigale Ntiyikoroga Nibukebuke.

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha