Vital’O yaronse umumenyereza mushasha avuye mu Budagi

Yanditswe na IGIHE
Kuya 30 mai 2016 saa 02:37
Yasomwe : 15597
0 0

Umurwi wa Vital’O FC waronkejwe umumenyereza mushasha ava mu gihugu c’Ubudagi. Hans Michael Weis yateye umukono ku masezerano y’ukumenyereza uwo murwi mu kiringo c’imyaka ibiri. Uwo mumenyereza mushasha yiyemeje ivyo agiye kurangurira uwo murwi.
Benjamin Bikorimana asanzwe ariwe arongoye umurwi wa Vital’O yerekanye icese uwo mumenyereza kuri uwu wa mbere, akaba yamenyesheje ko Hans Michael Weis azofasha kandi mu kumeyereza imikangara ya Vital’O y’abafise kuva ku myaka 15 gushika kuri 20, (...)

Umurwi wa Vital’O FC waronkejwe umumenyereza mushasha ava mu gihugu c’Ubudagi. Hans Michael Weis yateye umukono ku masezerano y’ukumenyereza uwo murwi mu kiringo c’imyaka ibiri. Uwo mumenyereza mushasha yiyemeje ivyo agiye kurangurira uwo murwi.

Benjamin Bikorimana asanzwe ariwe arongoye umurwi wa Vital’O yerekanye icese uwo mumenyereza kuri uwu wa mbere, akaba yamenyesheje ko Hans Michael Weis azofasha kandi mu kumeyereza imikangara ya Vital’O y’abafise kuva ku myaka 15 gushika kuri 20, akazofasha kandi umurwi wa Vital’O kwunga ubucuti n’imirwi yo mu bihugu vya Roumanie, Dubai, Turquie, Thaïlande, hamwe na Japon.

Uwo mumenyereza yiyemeje ko azoronderera uwo murwi wa Vital’O inkino za kivandimwe mu bihugu vya Buraya, mu ntumbero y’ukwitegurira amahiganwa atandukanye, akaba yatanze akarorero k’ihiganwa rya CECAFA Kagame Cup ryimirije, hamwe n’ukuzoronderera isoko abakinyi ba Vital’O bazogurwa mu mirwi ikomeye yo kw’isi.

Hans Michael Weis afise impanyabushobozi ya UEFA Sports, akaba yaranguye imirimo yiwe y’ubumenyereza mu mihingo itandukanye y’isi nko muri Philippines, Ubuyapani, hamwe n’ubushinwa. Yarahawe inyigisho kandi muri Arsenal na Chelsea, akaba mbere yaranigeze kuba umuyobozi ajejwe ubuhinga mu Rwanda.

Uwo mumenyereza mushasha wa Vital’O azotangura icese ibikorwa kw’igenekerezo rya 7 Ruheshi 2016.


Kumenyekanisha

1
Lambert 1er-06-2016 à 10:35

Big up Vital’o byadushimisha tubonye Vital’o nk’iya Rasheed Sherad.

2
CLOVIS 31-05-2016 à 20:39

ABAFAN BA VITÂLO TURYOHERWE KURI IVYO VYIZ TUGIY KUBONA

3
Jmarie 31-05-2016 à 20:25

Biratunezrey Caaane !Twizer Kobitazomugendra Nkuwahahor Kandi Tumwipfurij Kubamakra Ntabe Urubeya.

4
RICHARD BADOGO 30-05-2016 à 15:27

IMANA ISHIMWE NKEKA VITAL,O YOTERA IMBERE GUSUMBA NATWE HINGE TURINDIRE TURABE IVYABAZUNGU.

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha