Ihinguriro LG ryakoze terefone ishobora kwirukana imibu

Yanditswe na MUGISHA Van Naris
Kuya 2 Gitugutu 2017 saa 04:37
Yasomwe : 5634
0 0

Ihinguriro rikora ibikoresho bikoresha ubuhinga bwa none ryo mu gihugu ca Koreya y’Ubumanuko LG, ryakoze terefone ifise ubushobozi bwo kwirukana imibu mu nzu.

Iyo terefone yiswe LG K7i, yashizwe ahabona mu nama yiga ibijanye na terefone mu gihugu c’Ubuhindi, ikazokoresha amajwi yitwa Ultrasonic waves azoshobora kwirukana imibu n’utundi dukoko tuza mu nzu nk’isazi n’utundi.

Iryo hinguriro rivuga ko bimwe mu bikoresho vyaryo bigizwe n’imboneshakure n’ibindi bifise ubuhinga bwo kwirukana imibu mu nzu, LG K7i ikaba ari yo terefone ya mbere ikoranywe ubu buhinga.

Umuyobozi ajejwe ubudandaji muri LG mu Buhindi, Amit Gujral, yavuze ko iryo hinguriro ryihaye intumbero yo gufasha abayitura kugira ubuzima buzira umubu, arico gituma bakoze iyo terefone.

Yavuze kandi ko ata ngaruka mbi igira ku buzima bw’uwuyikoresha inyuma yo kugeragezwa mu bihe bitandukanye igahabwa ivya ngombwa ko ataco yonona n’ishirahamwe mpuzamakungu ry’abahindi ryiga ku miti n’ibinyabuzima.

Bitegekanijwe ko iyo terefone yiswe LG K7i izoba igurwa amadorare 122 y’abanyamerika.


Kumenyekanisha

1
Ntakirutimana John 4-10-2017 à 02:31

mubazoyigura mubambere ndimwo, ahubwo nibanyarutse kuzikwiragiza mubakiriye.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha