Ikigo OBR kimenyesha ko umwimbu wiyongereye mu kwezi kwa Rusama

Yanditswe na Vianney BIKORIMANA
Kuya 3 juin 2017 saa 10:40
Yasomwe : 2475
0 0

Ikigo OBR kijejwe gutoza amakori n’amatagisi kimenyeshako amafaranga yegeranijwe mu kwezi kwa Rusama umwaka wa 2017 ashika ku miriyaridi 54 n’ibice 40 z’amafaranga y’amarundi, akaba yiyongereyeko ibice 4,3 kw’ijana ku mafaranga yari ategekanijwe.

Mw’itangazo ry’ikigo OBR ryateweko umukono na komiseri mukuru Audace NIYONZIMA kuri uyu wa gatanu igenekerezo rya 2 ruheshi umwaka wa 2017 ,ikigo OBR kimenyesha ko amafaranga yatojwe arenga ku yari ategekanijwe ku miriyaridi 54,40 y’amafaranga y’amarundi mu gihe vyari bitegekanijwe ko gitoza amafaranga imiriyaridi 52,14 .

Muri iryo tangazo ikigo gitoza amakori n’amatagisi OBR kimenyesha ko bagereranije amafaranga n’amafaranga imiriyaridi 45,20 yatojwe muri rusama umwaka uheze wa 2016, uyu mwaka wa 2017 hiyongereyeko imiriyaridi 9,19 angana 20,3 kw’ijana.

Ikigo OBR kibandanya kimenyesha ko kuva muri Nzero gushika muri rusama umwaka wa 2017 cashoboye kwegeranya imiriyaridi zishika ku 283,89 z’amafaranga y’amarundi aza asumba amafaranga ashika ku miriyaridi 282,42 yari ategekanijwe.

Ku mafaranga imiriyaridi 245,73 yari yatojwe kuva muri nzero gushika muri rusama 2016 hiyongereyeko imiriyaridi 38,16 angana n’ibice 15,5 kw’ijana .

Ikigo kijejwe gutoza amakori n’amatagisi OBR kikamenyesha ko cegeranije amakori n’amatagisi asumba ayari ategekanijwe gushika ku bice 39 kw’ijana.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha