Abashaka kwubakana bategetswe kubanza guhabwa inyigisho

Yanditswe na Egide NDUWIMANA
Kuya 30 Myandagaro 2017 saa 09:27
Yasomwe : 14661
0 0

Umukuru w’igisagara ca Bujumbura yasohoye itegeko ryatanguye gushirwa mu ngiro, iryo naryo rigategeka abantu bose bashaka kwubakana kubanza gukurikirana inyigisho zivuga ivy’amategeko agenga ingo n’imiryango. Muri iryo tegeko bavuga ko abashaka kwubakana batazokurikiza iryo tegeko batazokwemerwa gusezerana imbere y’amategeko.

Nk’uko biri muri iryo tegeko rya Freddy MBONIMPA umukuru w’igisagara ca Bujumbura, izo nyigisho zizotangwa mu ntumbero yo gushira mu ngiro itegeko ry’umukuru w’igihugu Petero NKURUNZIZA risaba abajejwe intwaro kurwanya abubakana bidaciye mu mategeko.

Abashaka kwubakana babicishije mu mategeko bazokwigishwa ivyo umwe wese asabwa mu rugo, mu nyigisho zizohora zitangwa mu munsi wa gatatu muri komine canke muri zone. Abashaka kwubakana bategekwa kujana uko ari babiri muri izo nyigisho zizotangwa incuro zibiri (Deux séances). Muri komine, umuhanuzi ajejwe ivy’intwaro n’imibano niwe azokwigisha abashaka kwubakana. Mu gihe yafatiriwe, izo nyigisho zizotangwa n’umunyamabanga wa komine

Mu gisagara ca Bujumbura, izo nyigisho zizotangwa n’umukuru wa zone, yafatiriwe naho ico gikorwa kirangurwe n’umunyamabanga wa zone.

Muri iryo tegeko ry’umukuru w’igisagara ca Bujumbura bavuga ko ubugeni bw’abashaka kwubakana batitavye izo nyigisho incuro zibiri butazokwemerwa, mukamenya kandi ko n’igihe bizoshika umwe mu bashaka kwubakana agasiba izo nyigisho ko ubwo bugeni bwabo butazokwemerwa.


Kumenyekanisha

1
NDIHO 30-08-2017 à 22:03

ABOBIGISHA NABANTU BAMWE BARAHENGAMA KUBERA USANGA BANYIKIJWE NABAGORE ABANDI BASAMBANIRA NIRA MWIBANGA NIMANZA ZABAGABO NABABAGORE BARAHENGAMA

2
NKUNZIMANA ERIC 30-08-2017 à 14:23

IYO NGINGO NI NZIZA CANE ARIKO MFISE AMAKENGA KO ABAZIGISHA AYO MATEGEKO Y4INGO N’IMIRYANGO HARIMWO ABAZOBABA BATABIFITIYE UBUMENYI BUKWIYE MUGIHE TUZIKO ATARI BOSE BIZE AMATEGEKO MUVYO BAKURIKIRANYE MUMASHULE BIZE.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha