Jean Claude KARERWA arahumuriza ku magara y’umukuru w’igihugu bivugwa ko atifashe neza

Yanditswe na Egide NDUWIMANA
Kuya 22 June 2018 saa 10:11
131445
0 0

Umuvugizi w’umukuru w’igihugu Jean Claude KARERWA NDENZAKO arahumuriza abarundi ko amagara y’umukuru w’igihugu Petero NKURUNZIZA adasinzikaye, aho akaba ari inyuma y’aho uwo arongoye Uburundi abonekeye acumbagira, kw’igenekerezo rya 7 Ruheshi i Bugendana, mu ntara ya Gitega, umunsi yari yitavye ibirori vy’ukwemeza ibwirizwa shingiro rishasha.

Jean Claude KARERWA NDENZAKO avugira umukuru w’igihugu yemeza ko amagara atamukitse umukuru w’igihugu Petero NKURUNZIZA. Kubwa KARERWA ugucumbagira kw’umukuru w’igihugu kwatewe n’uguhinyagara gusa bisanzwe, akemeza kandi atari irya mbere bibaye, kuko yari amaze guhinyagara n’imbere y’aho.

Umukuru w’igihugu Petero NKURUNZIZA asanzwe akunda kandi agakina urukino rw’umupira w’amaguru ntaherutse kuboneka mu bibuga bitandukanye yahora yimenyererezamwo. Umuvugizi wiwe asigura ati :

"Umuntu yahinyagaye ntabandanya kugira imyimenyerezo y’ukunonora imitsi ikoreshwa amaguru. Ntakina umupira w’amaguru ariko si amagara amukitse. Ivyo ni ibintu bisanzwe umuntu wese arahinyagara, ariko uko yari ameze mu kwezi guheze siko ameze uno munsi. Ndizera neza ko mu ndwi nka zibiri canke zitatu azosubira gutanguza za nyigisho z’ukwigisha abarundi kuzirikana igihugu cabo. Izo nyigisho murazi ko azitanga ahagaze, agendagenda."

Kubwa Jean Claude KARERWA NDENZAKO, ntawari akwiye guterwa ikibazo c’ukwo guhinyagara kw’umukuru w’igihugu, kuko, nk’uko yabishikirije mu kiganiro c’abavugizi bose b’inzego za Reta kiriko kibera mu ntara ya Bururi, mu kuyobora igihugu umuntu ntakoresha amaguru, akoresha umutwe n’umutima.


Kumenyekanisha

1
bitangimana patrick 9-07-2018 à 15:33

Andika hano none nkurunziza azitoza ?

2
NZAMBIMANA FIDELE 27-06-2018 à 21:10

IMANA YAMA ASENGA AKANAYIRIRIMBIRA IZOMUKIZA BIDATEVYE NATWE ABAMUKUNDA TURAMUSENGERA AMEN.

3
nishimwe dany chrid 27-06-2018 à 11:00

mungu atamsaidia atapona

4
Dumbuli 25-06-2018 à 15:55

Biravugwa ko HE Pierre NKURUNZIZA amagara amukitse ibindi sivyo

5
Nsengiyumva Yefuta Emmanuel 24-06-2018 à 05:43

Andika hano Mukwuri kuvuta mumutima, ndatakambiye Umukama wacu Nyaguhora kungoma Imana ya Isaka Ibrahimu na Isaka Yituzigamire cane umukuru wacu wigihugu nkunda, Petero Nkurunziza Yimukize vyihuta kubwubuntu Bwayo, Amen.

6
Yamungu Emanuel, 22-06-2018 à 18:28

Mutama tumwifuriza amagara meza.

7
JsM.com 22-06-2018 à 17:00

MUTAMA IMANA IRAMUBONA NTACAZABA TURAVYIZERA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha