Abashingamateka batatu ba Amerika basavye abegwa bose n’ikibazo c’Uburundi kwitaba ibiganiro

Yanditswe na MUGISHA Van Naris
Kuya 14 décembre 2017 saa 10:29
23520
0 0

Abashingamateka batatu bo mu nama nshingamateka ya Reta Zunze Ubumwe za Amerika basohoye urwandiko, basaba Reta y’Uburundi n’abatavuga rumwe nayo kwitaba ibiganiro vyofasha gutorera inyishu indyane za poritike ziri mu gihugu.

Abo bashingamateka ni Eliot L. Engel wo mu mugambwe w’abademokrate, Randy Hultgren wo mu mugambwe w’abademokrate, hamwe na Karen Bass wo mu mugambwe w’abarepublikani.

Muri urwo rwandiko, abo bashingamateka bamenyesha ko ari ngombwa ko Reta y’Amerika igumiza amaso ku Burundi gushika aho Reta hamwe n’abatavugarumwe nayo bahagarika ibikorwa vyo guhungabanya umutekano.

Abo bashingamateka babicishije mur’urwo rwandiko basaba Reta kwubahiriza ibwirizwa nshingiro, igakorana neza n’akarere mu biganiro bifasha kugarukana amahoro mu gihugu.

Muri urwo rwandiko, abo bashingamateka basaba inama y’Ishirahamwe Mpuzamakungu ONU ijejwe umutekano hamwe n’Ishirahamwe ry’Ubumwe bwa Afrika kwumvisha abegwa bose n’ibibazo vy’Uburundi ko bategerezwa kurondera inyishu ya poritike ku bibazo biri mu Burundi.


Kumenyekanisha

1
Busurahende 15-12-2017 à 09:53

Fernandez, Abazungu urababeshera. Kadafi aho yari yihishije mu mwobo ugira ni Abazungu bamuzuyeyo ? Eka ni abanyagihugu ba Libiya bari barashishwe n’akagagazo kiwe n’Abahungu biwe. Ibiheruka kuba muri Zimbabwe hari Umuzungu n’umwe wabonyemwo ? No mu Burundi bizoshika aho bigenda uko. Abanyagihugu bonyene nibo bazokwifatira abirirwa barabahohotera babanigira mu bukene.

2
Fernandez 14-12-2017 à 16:23

Ibi bintu bizohera nabi, ibintu bimaze kwinjira mwo Abazungu ibintu bica bihera nabi mwibuke : Kadafi, Sadam Hussein n’abandi.
Bamaze kugudunga urutoke uca urinda kwitegura.
Iyi ngorane iri mu Burundi ntizohera badashitse kuco bashaka.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha