Abasirikare bari mu gikorwa co kugarukana amahoro biyandikishije bazokwitabe amatora

Yanditswe na MUGISHA Van Naris
Kuya 15 février 2018 saa 01:26
17820
0 0

Abasirikare b’abarundi bagiye mu gikorwa co kugarukana amahoro mu bihugu vya Somaliya na Centrafrika, bariko bariyandikisha ngo bazokwitabe amatora yo kwemeza canke guhakana ibwirizwa nshingiro n’ayo mu mwaka wa 2020.

Abicishije ku rubuga rwa Twitter, umuvugizi w’ubushikiranganji bwo kwivuna abansi Colonel Gaspard BARATUZA, amenyesha ko ico gikorwa co kwiyandikisha ku basirikare b’abarundi bari mu bikorwa vyo kugarukana amahoro kiriko kigenda neza.

Abo basirikare ni abari mu bikorwa vyo kugarukana amahoro mu gihugu ca Somaliya mu rwego rwa AMISOM, hamwe n’abasirikare bari mu gihugu ca Centrafrika, ku rwego rwa MINUSCA.

Igikorwa co kwandika abazokwitaba amatora catanguye kw’igenekerezo rya 8 Ruhuhuma 2018, kizorangira kw’igenekerezo rya 17 Ruhuhuma 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha